Një film shqiptar në Venezia.
Bëhet fjalë për filmin më të fundit të regjisorit Roland Sejko, “La macchina delle immagini di Alfredo C.” (Makina e imazheve të Alfredo C-së), i cili do të shfaqet në një nga seksionet konkurruese të Festivalit Ndërkombëtar të Kinematografisë së Venezia-s.
Ky festival, më i rëndësishmi i filmit italian, do të mbahet nga data 1 deri më 11 shtator 2021.
Subjekti i filmit
“Macchina delle Immagini di Alfredo C.” vërtitet rreth historisë së një italiani. Ai vjen në Shqipëri, gjatë kohës së pushtimit fashist dhe pas Çlirimit të Shqipërisë “izolohet” bashkë me 27 mijë ushtarë dhe civilë italianë.
I gjendur përballë këtij fakti, Alfredo C. – për 20 vjet i kishte shërbyer regjimit fashist – për pesë vite detyrohet të ushtrojë të njëjtin funksion, këtë herë në krah të propagandës së regjimit komunist të ardhur në fuqi në Shqipëri.
E veçanta e filmit të regjisorit Sejko është se, mes filmimesh të reja dhe ndërthurjes së materialeve arkivore, paraqitet jeta e ushtarëve italianë.
Historia e Alfredo C., siç thotë dhe vetë regjisori dhe skenaristi i filmit Sejko, është model i mijëra të tjerave.
“Historia e italianëve të mbajtur në Shqipëri nga regjimi komunist është thuajse e harruar, e mbuluar nga orteku i ngjarjeve, por që përfshiu qindra mijëra italianë në vendet e tjera”.
Kush është Roland Sejko?
Roland Sejko do të diplomohej në Fakultetin e Historisë dhe Filologjisë në Universitetin e Tiranës përpara se të vendosej në Itali, në 1991-shin, ku ai ka qenë duke punuar në biznesin e filmit për Istituto Luce.
Po ashtu, gazetari dhe reporteri kulturor, Sejko themeloi dhe drejton që nga viti 1999 gazetën “Bota shqiptare”, kushtuar komunitetit shqiptar në Itali.
Në vitin 2008, Sejko bëri debutimin e tij si regjisor, duke shkruar dhe bashkëdrejtuar dokumentarin “Albania, il paese di fronte”, bazuar vetëm në materialin arkivor propagandistik nga Istituto Luce dhe Arkivi i Filmit Shqiptar.
Në vitin 2012, ai shkroi dhe drejtoi “Anija” – një dokumentar mbi eksodin masiv të shqiptarëve në Itali në vitet e 90-ta.
Prezantuar në Festivalin Ndërkombëtar të Filmit në Torino, filmi fitoi një nominim në çmimet e filmit Nastro d’Argento.
Në qershor 2013, filmi iu dha David di Donatello, çmimi më prestigjioz i filmit italian, si dokumentari më i mirë me metrazh të gjatë të vitit.
Në vitin 2015, ai drejtoi dokumentarin “Pritja”, në lidhje me vizitën e Papa Françeskut në Shqipëri në 2014.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Deadpool dhe Wolverine rikthehen në ekran për të “shpëtuar” Marvel
-
‘Dolce vita’ e Ripley-t është bardh e zi, por qytetet e vogla të Bregut të Amalfit janë technicolour
-
Nëna e Beyonce thotë se “Zendaya ia kujton të bijën”
-
“Under the Bridge”, seriali që lundron në ujërat e njohura të krimit të vërtetë të adoleshentëve të trazuar
Lajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Ku mund ta zhvendosë Hamasi degën e tij politike?
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD