Real Madrid po monitoron situatën e mbrojtësit të Atalanta-s, Merih Demiral.
Sipas asaj që raporton “Calciomercato”, performancat e mbrojtësit turk me klubin nga Bergamo, kanë tërhequr vëmendjen e klubit mbretëror dhe njëkohësisht edhe të trajnerit Carlo Ancelotti.
Mbrojtësi 24 vjeçar u huazua verën e kaluar nga Juventus-i tek Atalanta, transferim për të cilin zikaltrit shpenzuan 3 milionë euro, teksa do të kenë mundësinë për të blerë kartonin e tij për shumën e 28 milionë eurove.
Një qendërmbrojtës i ri është përparësia kryesore për “Los Blancos” përpara sezonit të ardhshëm.
Mirëpo, media italiane thekson se drejtuesit e Realit do të duhet të shpenzojnë rreth 50 milionë euro për të bindur Atalanta-n.
Kujtojmë që Demiral-in e bleu Juventus-i nga Sassuolo për shumën e 20 milionë eurove në verën e vitit 2019.
Ai kaloi dy vite te bardhezinjtë, të cilët më pas e huazuan te skuadra e Atalanta-s.
Te Atalanta ai po kalon në formë shumë të mirë këtë sezon, i cili së bashku me Berat Gjimshitin dhe kapitenin Rafael Toloi-n, po përbëjnë një treshe vështirë të kalueshme.
Gjithashtu emër tjetër që lidhet me mbrojtjen e Real-it, është Antonio Rudiger i Chelsea-t
Rudiger do të mbetet në fund të këtij sezoni lojtar i lirë, pasi që refuzoi të rinovonte kontratën me Chelsea-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shkarkohet nga detyra Agron Zhukri, gjyqtari që i dha PD-në Berishës
-
Protestë para Bashkisë Tiranë/ Qytetarët hedhin molotovë e tymuese
-
Hipoteza e tradhtisë së brendshme ose një sulmi simbolik: Çfarë dihet për sulmin në Iran
-
Kurti në 11 vjetorin e marrëveshjes Kosovë-Serbi thotë se dakordimi i tij me Vuçiç-in adreson gjetjet e Kushtetueses për Asociacionin