Futbollisti uellsian i Real Madrid-it, Gareth Bale, ka dëmtuar kyçin e këmbes dhe për pasojë do të qëndrojë larg fushave për tetë javë.
Ky është dëmtimi numër “24” për futbollistin, që nga koha e mbërritjes së tij në Madrid në vitin 2013. Deri në nëntor, Bale nuk do të jetë nën dispozicionin e trajnerit, Carlo Ancelotti.
32-vjeçari u dëmtua dhe para një javë në stërvitje, duke humbur sfidat përballë Celta Vigo-s dhe Inter-it. Tani do i duhet të pushojë edhe për disa sfida të tjera.
Plot 12 ndeshje do të humbasë Bale, nëse parashikimi për mungesën e tij tetë javore rezulton i saktë. Ai parashikohet të rikthehet në fushë më 6 nëntor, ndërkohë sfidat e humbura do të jenë përballë: Valencia, Mallorca, Villarreal, Sherif (Champions League), Espanyol, Athletic, Shakhtar (Champions League), Barcelona, Osasuna, Elche, Shakhtar (ndeshja e kthimit) dhe Rayo Vallecano.
Pas rikthimit nga huazimi te Tottenham-i, Bale duket se kishte gjetur formën nën drejtimin e Ancelotti-t. Ai ishte pjesë e formacionit në tre ndeshjet e para në La Liga, para se të ndalej nga dëmtimet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund
