Jetesë & Stil

Reagon Ermal Meta ndaj sulmeve në “ Sanremo”


Këngëtari i njohur Ermal Meta, para disa ditësh ka fituar çmimin e tretë, në festivalin e njohur Sanremo. Mirëpo, duket se kjo pjesëmarrje e tij nuk është pritur mirë nga të gjithë, pasi ka patur nga ata që e kanë paragjykuar për shkak të origjinës.

Meta ka vendosur të thyejë heshtjen dhe përmes një video të publikuar në Instagram ka është shprehur që nuk është i lënduar.

“Mua këto komente nuk më prekin fare. Por unë dua të ndaloj tek to se nuk më duket aspak e drejtë që persona që janë shumë më të rinj se unë të më drejtohen në atë mënyrë, kur unë jam në realitet më shumë italian se ata, sepse jetoj në këtë vend prej më shumë vitesh, pavarësisht se kam ardhur nga një tjetër shtet. Është e çuditshme që këtë diskutim po e bëj në 2021-in dhe nuk po e prek këtë temë sepse më pëlqejnë polemikat, në fakt as nuk më plas për to”.

Ajo që dua të dini është fakti që të thuhen këto gjëra dhe t’i lësh të ikin i bën të duken normale. Të flasësh ashpër e t’i përmendësh origjinën dikujt nuk është aspak normale. Ne jetojmë të gjithë nën një qiell, të gjithë kemi një ndërgjegje të përbashkët kolektive. Kjo është urrejtje që unë nuk e pranoj dot sepse është idotësi”.

Ndërsa në fund të videos, Ermali i ka prekur të gjithë me një deklaratë shumë emocionuese ndaj shqiptarëve: “Kam vetëm diçka për t’iu thënë: ‘Nëse do dinit vetëm pak fare nga historia e vendit nga unë vij, do ndiheshit krenar, njësoj si unë.

Jam krenar për rrënjët dhe gjakun tim, e nëse ju do i njihnit ata do ndiheshit krenarë që i keni fqinj. Ju ftoj të lexoni historinë e tyre dhe do të mbeteni të mahnitur”

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore