Kryeministri i Shqipërisë, Edi Rama, ka zbuluar një pjesë të bisedës së tij me Presidentin e SHBA-ve, Joe Biden, gjatë samitit treditor të NATO-s në Madrid, ku janë mbledhur të 30 vendet e organizatës ushtarake të Atlantikut të Veriut.
Thelbi i bisedës, sipas kryeministrit, ka qenë fillimisht një vlerësim për rolin e Shqipërisë në Këshillin e Sigurimit, pjesë e të cilit është bërë këtë vit për herë të parë në historinë e shtetit.
Në atë çfarë tha kreu i Qeverisë, ka pasur shumë komente pozitive mbi angazhimin e Tiranës zyrtare në Këshill.
Më pas, një objekt tjetër i bisedës kanë qenë edhe raportet mes dy vendeve, ku këtë vit shënohet edhe 100-vjetori i marrëdhënieve diplomatike Shqipëri-SHBA.
Në vizionin e brenda këtij viti, Rama theksoi se ka biseduar me presidentin Biden për të zhvilluar një aktivitet të përbashkët, si kremtim i raporteve.
Megjithatë kjo, sipas tij, nuk dihet nëse do të arrihet apo jo, për shkak të situatës aktuale në diplomacinë botërore.
Gjithë detajet u kanë kaluar gjithsesi kabineteve përkatës, teksa pritet një zyrtarizim ose jo i celebrimit.
Në përmbyllje të fjalës së tij, kryeministri ka theksuar edhe faktin se sot, Shqipëria është në një pozitë të politikës së jashtme, siç nuk e ka pasur kurrë më parë, duke nënkuptuar se vendi po operon në një sferë të lartë diplomatike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve