Kryeministri shqiptar, Edi Rama, ka thënë se Ballkani Perëndimor do të jetë qendra e Bashkimit Evropian në të ardhmen, pasi pavarësisht faktit se disa vende do të mund të dëshirojnë largimin nga Unioni, kjo asnjëherë nuk do të ndodhë me vendet ballkanike.

Por, për këtë, do të duhet të ketë një lehtësim të dialogut politik, i cili sipas Ramës është i një rëndësie jetike, duke përmendur edhe një status të ri për partnerët, lidhur me përfshirjen në mekanizma politike, apo marrjen e huave.

Këtë ai e shtjelloi gjatë një paneli, si pjesë e Samitit mes vendeve të Bashkimit Evropian dhe Ballkanit Perëndimor, për planin e rritjes së rajonit.

Sipas kreut të Qeverisë shqiptare, është kyçe që rajoni të marrë ndihmë përmes një instrumenti të ri që do të lehtësojnë marrjen e më shumë huaje duke u mbështetur në garanci të BE. Kjo do të ndryshojë sipas tij tërësisht tablonë pasi është e rëndësishme që të marrim financime, sepse janë para të rëndësishme.

“Të varesh ekonomikisht nga ju ka qenë humbja e lirisë, për të na hequr qafe. Na garantoni huat dhe do na keni pas vetes se do na kërkoni huat.
Mbase disa nga ju do të duan të largohen më vonë nga BE por ne jo, do të jemi qendra e BE, madje do të kemi probleme të caktojmë Brukselin tonë”, përmendi kryeministri.

Rama thotë se Ballkani do të jetë qendra e BE-së në të ardhmen, kërkon përfshirje politike të rajonit në Union