Kryeministri i Shqipërisë, Edi Rama, ka deklaruar se do të fillojë puna për restaurimin e Xhamisë së Plumbit në Shkodër.
Kjo, në kuadër të bashkëpunimit mes autoriteteve turke dhe atyre shqiptare.
Numri një i qeverisë gjendet në sheshin “Skënderbej”, së bashku me presidentin turk Recep Tayyip Erdogan.
Dy udhëheqësit përmbyllin vizitën e palës turke në xhaminë e restauruar të Et’hem Beut.
Fillimisht, Rama e konsideroi nder pjesëmarrjen e tij në këtë ceremoni.
Kjo, edhe pse shumë prej të pranishmëve, sipas tij, kishin ardhur për të dëshmuar mbërritjen e Erdogan-it.
Në podiumin e improvizuar, kreu i qeverisë shqiptare e konsideroi Xhaminë e Et’hem Beut një simbol të shkëlqyer të rilindjes së trashëgimisë kulturore në Shqipëri.
“Falë kujdesit të tij – referuar Erdogan – të drejtpërdrejtë dhe agjencisë turke TIKA, inxhinierëve, restauratorëve turq e shqiptarë, ne kemi sot disa nga xhevahiret të fesë që kanë rilindur plot shkëlqim”, u shpreh ndër të tjera Rama.
Xhamia e Et’hem Beut, sipas kryeministrit, është një nga simbolet më domëthënëse të historisë tonë dhe një pasqyrë mes marrëdhënieve tradicionale Turqi-Shqipëri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
5 mijë vizitorë në 3 muaj, Rama: Shqipëria, destinacioni më i sugjeruar
-
Parashikimi i motit, 19 prill 2024
-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë