Kryeministri i Shqipërisë, Edi Rama, dhe Ministri i Shtetit për Rindërtimin, Arben Ahmetaj, vizituan Shijakun për të inspektuar punimet në kuadër të rindërtimit.
“Ka përfunduar ndërtimi i kopshtit të Shijakut. Janë në proces 160 objekte arsimore, më shumë se sa janë ndërtuar në 30 vite në të gjithë Shqipërinë. Përpos objekteve arsimore ka filluar dhe rindërtimi i pallateve me orë të zgjatura. Po bëhet infrastruktura e re e ujësjellësit. I gjithë Shijaku është kthyer në një kantier ndërtimi”.
Do të ndërtohen 21 pallate, me një sipërfaqe ndërtimi 21 mijë metra katrorë, brenda muajit shtator. Familjet që po i rindërtohen shtëpitë, po trajtohen me bonus qiraje. Shkolla nëntë vjeçare “Lidhja e Prizrenit” po rindërtohet brenda afateve. Shkolla do të jetë e përfunduar brenda muajit shkurt.
U bë me dije se ka përfunduar 50% e punës në infrastrukturë. Banesat kolektive do të jenë gati për gjashtë muaj nga dita e parë që nisin. Po ndërtohet një lagje e re me 20 pallate. Falë rindërtimit janë hapur shumë vende pune. Firma ka shtuar kapacitetin me 20 vende më shumë.
Nuk munguan as thumbimet për Lulzim Bashën nga ana e kryeministrit. “Ka dhe njerëz që punojnë, jo si Basha që fle gjumë”.
Rama shpërndan banesat e para në Gjepalaj
Janë shpërndarë banesat e para të rindërtuara pas tërmetit të 26 nëntorit 2019, në Gjepalaj të Shijakut.Çelësat e shtëpive, ja ka dorëzuar banorëve vetë kryeministri, Edi Rama.
“Kur hapet dera e një shtëpie të re, i merr era të gjitha llafet pa bereqet të politikës dhe të medias”, shkruan Rama në Facebook. Zona e Shijakut ka qenë ndër më të dëmtuarat nga tërmeti që goditi Shqipërinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve