Rama flet për Ahmetajn: Nëse gjërat që thuhen dalin të vërteta më vjen keq, por nuk e ndihmoj dot
Kryeministri i Shqipërisë, Edi Rama, ka dhënë një koment lidhur me ish-zëvendëskryeministrin e vendit, Arben Ahmetaj, i cili është i përfolur se lidhet me çështjen e inceneratorëve, por ende nuk ndodhet nën akuzë.
Gjatë një interviste për emisionin “Opinion” të gazetarit Blendi Fevziu, Rama e qartësoi përfundimisht pozicionimin e tij, lidhur me rastin e Ahmetajt.
“Kam punuar me të për një periudhë të gjatë kohe dhe këto gjëra që dalin, qofshin të vërteta, më vjen shumë keq, por nuk e ndihmoj dot”, ka qartësuar ai.
Veçanërisht, ai përmendi edhe faktin se Qeveria që drejton dhe Partia Socialiste, e kanë në themel punën e sistemit të drejtësisë dhe nuk do të ndërhyjnë në hetime të tilla në asnjë instancë.
Mbi çështjen e inceneratorëve, nën akuzë gjenden aktualisht ish-ministri i Mjedisit, Lefter Koka, ish-sekretari i kësaj ministrie dhe ish-deputeti socialist, Alqi Bllako, si edhe gjithë struktura drejtuesve e kompanive të përfshira në projektin e inceneratorëve, përfshi shtetasit Klodian Zoto, Stela Gugallja dhe Mirel Mërtiri.
Nga ana tjetër, kreu i Qeverisë ka folur edhe mbi situatën e krijuar me Partinë Demokratike, ku objekt kryesor është pjesëmarrja në zgjedhjet vendore të 14 majit dhe ndarja mes të djathtëve.
Një çështje me rëndësi është ajo e regjistrimit të PD-së nga ana e Komisionit Qendror të Zgjedhjeve, duke pasur ende dyshime se cila listë do të përfshihet nën logon e forcës së djathtë politike, parë edhe faktit se kauza mbetet ende në Apel, e pagjykuar.
Për këtë, Rama i ka idetë e qarta dhe sipas tij, e vetmja gjë e sigurt, është fakti se PD-ja “do të hajë një shpullë” nga votuesit, në vendoret e 14 majit 2023.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë Rai-n