Shqipëria, së bashku me pesë vende të tjera aleate, ndër të cilat SHBA-të, Franca, Britania e Madhe, Irlanda dhe Japonia, i kanë bërë thirrje zyrtarisht udhëheqësit të Koresë së Veriut, Kim Jong-un, të frenojë zhvillimin e raketave balistike, me arsyetimin se ai po e bën këtë gjë, në kurriz të mirëqenies së popullit koreano-verior.
Ka qenë përfaqësuesja amerikane, Linda Thomas-Greenfield, ajo e cila ka bërë me dije deklaratën e përbashkët të gjashtë shteteve.
Thank you, @AlMissionUN, @franceonu, @irishmissionun, @JapanMissionUN and @UKUN_NewYork for joining us in calling on the DPRK to refrain from further destabilizing actions, abandon its prohibited WMD and ballistic missile programs, and engage in meaningful dialogue. pic.twitter.com/8m2pSqTgby
— Ambassador Linda Thomas-Greenfield (@USAmbUN) January 10, 2022
“Jemi këtu të unifikuar, për të dënuar lëshimet e fundit të raketave nga ana e Koresë së Veriut”, thuhet në deklaratë.
Nën siglën e Këshillit të Sigurimit të OKB-së, është kërkuar nga Kim Jong-un që ndjekja e zhvillimit të armëve të shkatërrimit në masë, të ndalojë.
Pikërisht zhvillimet e fundit në Korenë e Veriut, i kanë shqetësuar vendet e rajonit dhe më gjerë. Kryesisht, Japonia dhe Koreja e Jugut, janë ato më të prekurat. Testimet zhvillohen në detet përqark zonës. Brigjet japoneze, ndodhen pikërisht pak kilometra larg testimeve.
Ndaj, një thirrje për dialog, i ka shkuar Jong-un-it.
Në të kundërt, ai mund të përballet me sanksione, teksa Këshilli i Sigurimit ka nxjerrë rezolutën e qartë kundër mentalitetit të liderit korean.
“Qëllimi ynë, mbetet denuklearizimi i plotë, i verifikueshëm dhe i pakthyeshëm i gadishullit korean”, shkruhet në deklaratë drejt fundit.
Ndërsa, rruga diplomatike, është ajo e kërkuar, për të zhbërë kërcënimet nëpërmjet programeve të tilla.
Sakaq, Jong-un nuk duket i shqetësuar nga rezolutat e njëpasnjëshme kundrejt tij. Ai dhe ekipi i tij i shkencëtarëve kanë vijuar të testojnë raketa edhe gjatë 11 janarit, në një testim të tretë për to.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve