Projekti i qytetit të zgjuar i krijuar nga Sidewalk Labs, firma krah Google-it, për të ndjekur modelet e lëvizshmërisë në qytetin e Portland-it në Shtetet e Bashkuara të Amerikës, ka mbetur në sirtar.
Agjensia e lajmeve, BBC, shkruan se pas polemikave rreth mbarëvajtjes së planeve, Sidewalk Labs ka hedhur poshtë edhe vitin e kaluar një projekt ambicioz për ndërtimin e një qyteti digjital në Toronto.
Lajmin për ndalimin e projektit e ka bërë me dije Portland-i.
Nga ana tjetër, Sidewalk ka treguar se projekti kohët e fundit ishte në duart e një kompanie të quajtur Replica e cila ka thënë për BBC se nuk ka qenë e gatshme të ndante detajet e kërkuara nga qyteti.
“Ne nuk ishim të gatshëm të bënim kompromis mbi parimet tona të privatësisë të cilat zhgënjyen klientin tonë të Portland Metro-s dhe që çuan në një fund të hershëm të projektit”, është shprehur Replica.
Portland Metro, agjensia e qytetit e ngarkuar me realizimin e projektit ka treguar për BBC se “pas shqyrtimit të draft-it të të dhënave i dha fund marrëdhënies së saj me Replica-n”.
Portland Metro ka shtuar se nuk e ka paguar Replica-n për ndonjë shërbim dhe se i uron Sidewalk Labs-it më të mirën në punët e saj të ardhshme.
Lidhur me projektin, Sidewalk Labs e nisi pilotimin e software-it të të dhënave për vendndodhjen në Portland në muajin maj të vitit 2019 dhe në shtator të po atij viti vjen Replica.
“Software-i përdori të dhëna të identifikueshme për vendndodhjen e lëvizshme për të treguar se si njerëzit lëvizin nëpër qytet”, sqaron BBC.
Projekti kishte të bënte me përdorimin e të dhënave për të marrë vendime politike se ku të ndërtohen korsi biçikletash dhe kur të riparohen rrugët për të siguruar që shërbimet e autobusëve të jenë efikase dhe të arrinin në të gjitha komunitetet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Makinat elektrike të prodhimit kinez do të zënë 25% të tregut evropian këtë vit
-
Ambiciet e sektorit të teknologjisë dhe inteligjencës artificiale nxisin investitorët
-
Përdoruesit e Instagram-it do të shohin më pak “përmbajtje politike” nëse nuk e zgjedhin
-
SHBA dhe MB zbulojnë sanksione kundër hakerëve kinezë të mbështetur nga shteti
Lajmet kryesore
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Çuçi: Adresimi i dezinformimit dhe ndërhyrjeve të huaja do të jenë në fokus të Komisionit të Posaçëm
-
Putini më i fortë se SHBA-të, kur flitet për shkëmbimin e të burgosurve
-
Gjilan: Afaristi u gjet i vdekur në bodrumin e banesës, kishte mbi 80 mijë franga me vete