Sezoni 2020/21 në Superligën e Kosovës në futboll ka sjellë mjaft befasi, ku padyshim ajo më e madhja ishte rënia e Trepçës’89 nga Superliga.
Trepça’89 u mposht nga Dukagjini, në ndeshjen e barazhit, çka do të thotë që sezonin e ardhshëm do të garojnë në Ligën e Parë të Kosovës.
Kështu qyteti i Mitrovicës, mbetet pa asnjë ekip futbolli në Superligë, gjë që nuk kishte ndodhur ndonjëherë.
Jo vetëm Mitrovica, por edhe disa qytete tjera të mëdha, kanë mbetur pa përfaqësues në elitën e futbollit kosovar.
Prizreni, Peja, Ferizaji, Gjakova e Vushtrria nuk do të kenë ekipe futbolli në Superligën e Kosovës, në edicionin e ardhshëm.
Trepça, Trepça’89, Liria, Vëllaznimi, Ferizaji e Besa janë ndër ekipet kryesore në futbollin e pasluftës në Kosovë, mirëpo asnjëra nga këto nuk do të jetë pjesë në sezonin e ardhshëm.
Ndërsa kujtojmë që përveç Trepçës’89, nga Superliga kanë rënë edhe Besa e Arbëria, teksa në Superligë kanë hyrë Malisheva, Ulpiana dhe Dukagjini.
Kurse kampion është shpallur skuadra e Prishtinës, pas tetë vjetësh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
O’Brien kërkon nga Kurti “progres urgjent” për Asociacionin
-
Dokumentari i Rai-t, Rama: Kur sulmohet Shqipëria, e pamundur të mos reagoj
-
Deri në orën 17:00 votuan 42.38% e qytetarëve, thotë KSHZ
-
Kushtëzimi i KiE-së me Asociacionin nga Franca e Gjermania po ndodh me pajtimin dhe bekimin e plotë të Qeverisë