Ministria e Financave, Hekuran Murati, në mbledhjen e radhës së Qeverisë së Kosovës ka pranuar kërkesën e ministres së Ekonomisë, Artane Rizvanolli, për ndarjen e 40 milionë eurove për ndërmarrjen publike “KOSTT”, pas vështirësive financiare me të cilat po përballet kjo ndërmarrje.
Sipas Muratit, KOSTT-i po kalon në vështirësi financiare për të paguar marrëveshjen për kyçje me Rrjetin Evropian të Transmisionit dhe Tregut ENTSO-E.
E në konferencën për media menjëherë pas përfundimit të mbledhjes së Qeverisë së Kosovës, ministrja e Ekonomisë, ka treguar se pse është ndarë shuma prej 40 milionë eurove KOSTT-it.
Sipas saj arsyeja kryesore është shlyerja e detyrimeve që ka KOSTT-i ndaj ENTSO-E-së, e që një gjë e tillë rrjedhimisht do ta mund ta ripërtërinte marrëveshjen ndërmjet KOSTT-it dhe ENTSO-E-së, e cila është në prag të skadimit.
“Kyçja e KOSTT-it në ENTSO është në pyetje. Është në fund të marrëveshjes dhe duhet ripërtërirë. Gjatë vitit kemi shkaktuar disbalance të mëdha nga sistemi interkonektiv. Si Ministri e Ekonomisë kemi bërë kërkesë në Ministrinë e Financave, ku është propozuar ndarja e 40 milionë euro për shlyerje të detyrimeve dhe janë ndarë ato”, ka thënë Rizvanolli.
Pajtimi i arritur në mes të Kosovës dhe Serbisë për Udhërrëfyesin për Implementimin e Marrëveshjes për Energjinë me 21 qershor në Bruksel ka mbetur – si gjithmonë – vetëm në letër.
Afatet që parashihen në udhërrëfyes për implementim nuk po respektohen – duke filluar nga i pari.
Në pikën dy të udhërrëfyesit thuhet se “brenda shtatë ditësh të pajisjes me licencë, Elektrosever do t’i ofrojë KEDS-it dhe KOSTT-it të dhënat e fundit të disponueshme të konsumatorëve në Veri, përmes Bashkimit Evropian”.
Jo shtatë, por kanë kaluar më shumë se 1 muaj nga marrja e licencës së Elektroseverit nga ZRrE-ja dhe kompania serbe nuk ka dorëzuar, ashtu siç parashihet me marrëveshje, të dhënat për konsumatorë.
Të pyetur nga Albanian Post nga Operatori i Sistemit, Transmisionit dhe Tregut të Energjisë Elektrike në Kosovë kanë treguar se nuk është respektuar ajo që është akorduar në marrëveshje.
“Kompania Elektrosever nuk i ka siguruar ende KOSTT-it të dhënat siç parashihet në pikën e dytë në Udhërrëfyesin për Zbatimin e Marrëveshjes për Energjinë”, thuhet në përgjigjen e KOSTT-it.
Por, jo vetëm ky afat dhe jo vetëm kjo pikë.
Një dyzinë marrëveshjesh që pritej të nënshkruheshin në mes të Elektroseverit, KOSTT-it dhe KEDS-it nuk janë nënshkruar po ashtu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Kurti u përfshi në fushata njollosëse për ta minuar besimin ndaj mediave, thotë raporti i DASH-it
-
Favorizoi djalin e Tom Doshit – Reagon Policia pas pezullimit të shefit të qarkullimit rrugor në Lezhë
-
Tre orë debate te Komisioni i Shëndetësisë, mazhoranca refuzon kalimin e kërkesave për informacion
Lajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
DASH zbardh raportin e plotë për Shqipërinë – S’ka progres domethënës, probleme serioze me pavarësinë e gjyqësorit
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Lajçak: Në takimin e fundit u ngushtua diferenca për dinarin – pres propozime shumë konkrete në takimin e radhës