“Qeveri pa ide, pa eksperiencë, e paaftë dhe e papërgjegjshme, me fjalë shumë e aspak punë”.
Kështu ka shkruar në Facebook, ish-ministri i Shëndetësisë, tani deputet i Lidhjes Demokratike të Kosovës, Armend Zemaj.
Sipas tij, nuk ka vaksina mjaftueshëm dhe as terminë për t’u vaksinuar.
“Keqmenaxhimi i kësaj Qeverie vazhdon të thyej rekorde të zeza në vazhdimësi. Mbi 100 qytetarë të vdekur për vetëm 4 ditë. Vetëm sot 22 prej tyre ndërruan jetë, gjersa kemi 27.404 raste aktive me COVID-19. Zoti na ruajt”, ka shkruar Zemaj në Facebook.
Ai ka theksuar se “keqmenaxhimi i kësaj Qeverie vazhdon të thyej rekorde të zeza në vazhdimësi”.
“Mbi 100 qytetarë të vdekur për vetëm 4 ditë. Vetëm sot 22 prej tyre ndërruan jetë, gjersa kemi 27.404 raste aktive me Covid-19. Ndodh edhe kjo, vaksina nuk kemi mjaftueshëm, termine të lira jo, ndërsa kësaj qeverie i skadon afati i vaksinave”.
“Kjo Qeveri, për 10 ditë i ndryshoi tri herë masat. Spitalet janë plot e stafi shëndetësor i stërngarkuar. Shtesat për profesionistët shëndetësorë i ulën deri në nivel lëmoshe”.
Ndërkaq shefi i grupit parlamentar të Lidhjes Demokratike të Kosovës (LDK), Arben Gashi, ka thënë se deputetët e këtij subjekti politik janë të gatshëm të kthehen në Kuvendin e Kosovës nga pushimet për të mbajtur seancën e jashtëzakonshme. Kjo për shkak të përkeqësimit të situatës me pandeminë COVID-19.
“Grupi Parlamentar i LDK-së, shpreh gatishmërinë për mbajtjen e seancës së jashtëzakonshme të Kuvendit të Kosovës, pas gjendjes së re të krijuar si pasojë e shpërthimit të valës së re të pandemisë dhe abstenimit të Qeverisë karshi saj”, ka potencuar Gashi.
Situata epidemiologjike me Coronavirus në Kosovë
Instituti Kombëtar i Shëndetit Publik të mërkurën e 1 shtatorit në Kosovë ka raportuar 22 persona të vdekur nga COVID-19 dhe një mijë e 894 persona të infektuar.
Numri i të infektuarve vjen nga 14 mijë e 284 mostra të marra nga Shërbimi Spitalor dhe Klinik Universitar i Kosovës.
Sipas IKSHPK-së gjatë 24 orëve të fundit janë shëruar gjithsejtë një mijë e 354 persona.
Raste aktive me COVID-19, janë gjithsejtë 27 mijë e 404.
Numri i të vaksinuarve brenda 24 orëve të fundit është gjithsejtë 15 mijë e 835.
Numri i të vaksinuarve me vetëm dozën e parë të vaksinës anti-COVID është gjithsejtë 557 mijë e 322 ndërsa numri i të vaksinuarve me të dy dozat është gjithsejtë 284 mijë e 269.
Ndërsa, një ditë më parë në Kosovë 26 persona kanë humbur jetën nga Coronavirusi
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Raporti i DASH-it, Deliu-Kodra: Shpërfaqë paaftësinë e kësaj qeverie për të ndërtuar institucione të pakorruptuara
-
Ka nisur puna për riparimin e dëmit në rrjetin elektrik të QSUT-së
-
Pasagjerët britanikë në fluturimin për në Turqi ‘e thajnë’ furnizimin me alkool brenda 30 minutave
-
210 mijë fëmijë kanë përfituar nga bonusi i bebes prej 2019-ës
Lajmet kryesore
-
DASH ‘ngel’ Shqipërinë për vitin 2023, me tre probleme shumë madhore për demokracinë
-
OECD kërkon që ndërtuesit të paguajnë taksa për burimet natyrore, po dëmtojnë mjedisin
-
Mavijosje dhe brinjë të thyera – Vdekjet e pashpjegueshme në burgjet e Izraelit
-
Kosova (s’)humbi nga referendumi i dështuar në veri