Presidenti i Rusisë, Vladimir Putin, ka uruar homologun e tij francez të rizgjedhur në detyrë, Emmanuel Macron, pasi ky i fundit mundi në zgjedhjet presidenciale kandidaten nga e djathta ekstreme, Marine Le Pen.
“Presidenti e ka uruar homologun e tij Macron pas rizgjedhjes”, raportojnë agjencitë ruse të lajmeve duke iu referuar një njoftimi të Kremlinit.
Gjithsesi, asnjë detaj mbi atë çfarë Putin i ka thënë Macronit nuk është bërë i ditur.
Rivalja e kreut të Elysee-së, Le Pen, është shumë më e afërt me vetë Putinin dhe një fitore e saj do të mund të vinte në rrezik qëndrimin e Francës në Bashkimin Evropian, pavarësisht faktit se retorika e saj ndaj unionit qe më e zbutur në vitet e fundit të politikës në Francë.
Gjithashtu, atashimi i Le Pen me Putinin ishte edhe një ndër pikat ku Macron e sulmoi kundërshtaren gjatë fushatës dhe në veçanti gjatë debatit televiziv.
Një kredi e marrë nga partia e saj në një bankë ruse, është bërë edhe epiqendër e sulmeve të Macron ndaj Le Pen dhe sipas sondazheve, ka pasur ndikim në rezultatin përfundimtar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shqipëria dorëzon në GJND deklaratën mbi detyrimet ligjore të shteteve në lidhje me ndryshimet klimatike
-
Gjermani, 19-vjeçari vret babain, nënën dhe vëllanë – motra e plagosur
-
GJKKO urdhëron SPAK të hetojë Elvis Roshin
-
Kurti thirrje Prokurorisë së Shtetit: Vrasësit mizorë të familjeve Bogujevci, Duriqi e Llugaliu të jenë prapa grilave