Kirurgët plastikë në të gjithë globin po raportojnë një numër të lartë të kërkesave për operacione.
“Nuk dihet nëse kjo është kërkesë e rritur nga muajt e izolimit kur pacientët nuk ishin në gjendje të merrnin procedurat e tyre, ose rritje të interesit për shkak të faktorëve të tjerë të mundshëm”, tha Adam Ross, zëdhënës i Shoqatës Amerikane të Kirurgëve Plastikë.
Shumë punonjës po kalojnë më shumë kohë në Zoom. Ata po e kuptojnë se nuk do të duhet të kthehen në një zyrë shpejt, gjë që do ta bëjë më të lehtë shërimin dhe mbajtjen private të operacionit.
Ata që zgjedhin operacionin e fytyrës mund të mbulojnë ënjtjen me një maskë kur janë në publik. Shtoji kësaj numrin e prapambetur të pacientëve, procedurat e të cilëve u shtynë gjatë mbylljes. Tashmë, salla e operacionit e kirurgut plastik është bërë një vend shumë i lakmuar.
Me kaq shumë njerëz që kërkojnë procedura në të njëjtën kohë, mund të jetë e vështirë për të caktuar takime apo operacione.
Bruce Moskowitz, një kirurg okuloplastik, në New York, tha se klinika e tij ka parë “një rritje të konsiderueshme të kërkesave për injeksione (Botox, Xeomin dhe mbushës). Por dhe procedura kirurgjikale kozmetike të tilla si blefaroplastika (heqja e qepallës), rinoplastikat dhe tërheqjet e fytyrës pasi njerëzit kanë punuar nga shtëpia dhe kanë më shumë kohë.
Megjithatë, psikologët nuk janë të befasuar që njerëzit po i kthehen kirurgjisë kozmetike gjatë pandemisë.
Robin Hornstein, një psikolog në Filadelfia, tha që të gjithë po ndihemi jashtë kontrollit për momentin dhe një hap si ky i vë njerëzit në kontroll të diçkaje. Gjithashtu shtoj se është e rëndësishme të mbani mend se takimet me video janë një situatë e re për shumicën prej nesh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
