Anëtarët e Partisë Social-Demokrate të Kosovës, mbrëmjen e së enjtes kanë hedhur qershi në drejtim të kryeministrit Albin Kurti, në shenjë proteste për arritjen e marrëveshjes me Serbinë për çështjen e targave dhe pajtimin pajtimin për të vazhduar dialogun sipas propozimit franko-gjerman.
PSD përmes një aksioni simbolik para objektit të Qeverisë, protestuan nën sloganin “Një grusht qershi për Kryeministrin”.
Dardan Molliqaj, kryetar i PSD-së, ka thënë para gazetarëve se kreu i ekzekutivit hoqi dorë nga vendimi për targat dhe, sipas tij, e ka pranuar edhe Asociacionin e Komunave me Shumicë Serbe në bazë të propozimit franko-gjerman.
“Mbrëmë natën ka nënshkruar marrëveshje vartësi i tij, i cili i ka pranuar krejt marrëveshjet që më herët i kemi kundershtuar sëbashku, e të cilat janë të dëmshme për Kosovën”.
“Në marrëveshjen e mbrëmshme kryeministri e ka pranuar edhe Asociacionin”, shtoi Molliqaj.
Ndërsa anëtari i kësaj partie, Nol Nushi, përmes një postimi në Facebook bëri të ditur se shefi i qeverisë provoi të largohej, por nuk ia doli.
“U perpoq me hy tinëz kah dera e pasme në ndërtesë të qeverisë në sallën ku kishte takim me anëtarët e VV-së, por e zumë”.
“Të bëfshin mirë qershitë kryeministër! Por Asociacionin nuk ke me e sjellë pa rezistencë qytetare”, shtoi ai.
Ndryshe, pas rreth gjashtë orësh bisedime në Bruksel, Kosova u pajtua që të heqë dorë nga masa e gjobës për targat ilegale dhe kështu është nënshkruar marrëveshje për de-eskalim në mes të Kosovës dhe Serbisë.
Paraprakisht, edhe Serbia ishte pajtuar që të mos lëshojë targa të reja me inicialet “KM.” e të ngjashme.
“Kemi marrëveshje”, shkroi krye-diplomati evropian, Josep Borrell në Twitter, kur njoftoi arritjen e pajtimit.
“Shumë i kënaqur të njoftoi se krye-negociatorët e Kosovës dhe Serbisë, nën ndërmjetësimin e BE-së kanë arritur marrëveshje për masat që shmangin eskalimin e mëtejshëm dhe do të koncentrohen krejtësisht në propozimin për normalizim raportesh”, thuhej në njoftim.
Qeveria e Kosovës kishte filluar zbatimin e shkallëzuar të vendimit për targat më 1 nëntor – që përfshinin qortime, gjoba, tabela provuese dhe më në fund konfiskime – duke shkaktuar protesta dhe dorëheqje masive të policëve, gjyqtarëve, prokurorëve dhe zyrtarëve serbë në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lëshonin fatura fiktive duke i shkaktuar shtetit 1 milionë euro dëm, ‘arrest në burg’ për dy shtetas
-
Gërvalla i quan “lotë të krokodilit” shqetësimet e opozitës për raportin e DASH-it
-
Takimi Bislimi – Petkoviç në Bruksel për dinarin është shtyrë për në mesditë
-
SPAK nuk fillon procedim për Bardhin, pas kërkesës nga Olsi Rama
Lajmet kryesore
-
O’Brien i kërkoi “përparim urgjent” për Asociacionin, Kurti s’e përmend askund
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
SPAK nuk fillon procedim për Bardhin, pas kërkesës nga Olsi Rama