Protestuesit libanezë bllokojnë rrugët për shkak të krizës ekonomike

Demonstruesit, disa prej të cilëve digjnin goma, bllokuan rrugët nëpër pjesë të Libanit të hënën e 29 nëntorit në shenjë proteste ndaj kolapsit ekonomik të vendit, disa ditë pasi paundi libanez u ul në nivele të reja.

Kriza ekonomike e Libanit, e cila shpërtheu në vitin 2019, ka shtyrë më shumë se tre të katërtat e popullsisë në varfëri dhe monedha vendase ka rënë me mbi 90%.

Pas shpërthimit të portit në kryeqytetin e Libanit, Bejrut, më 4 gusht 2020, kryeministri Hassan Diab dhe qeveria e tij dhanë dorëheqjen, duke e futur shtetin në trazira politike.

Paundi libanez u ul në më shumë se 25 mijë pikë kundrejt dollarit javën e kaluar.

Rrugët u bllokuan nga djegia e gomave në Bejrutin qendror, Tripoli në Libanin Verior dhe qytetin jugor të Sidonit.

Ka pasur pak përparim qëkur qeveria e kryeministrit Najib Mikati u emërua në shtator, pas më shumë se një viti bllokimi politik që komplikoi krizën.

Qeveria e Mikati-t ka qenë në “paralizë” që nga një mosmarrëveshje për hetuesin kryesor në një shpërthim fatal në portin e Bejrutit vitin e kaluar që shpërtheu gjatë një takimi të kabinetit më 12 tetor. Kabineti nuk është mbledhur që atëherë.

Subvencionet janë shkurtuar për pothuajse të gjitha mallrat, duke përfshirë karburantin dhe ilaçet, duke rritur çmimet, ndërsa shërbimet bazë, siç është kujdesi shëndetësor, është shkatërruar.

Fokusi kryesor i kabinetit ishte një ringjallje e bisedimeve me Fondin Monetar Ndërkombëtar, të nevojshëm për të zhbllokuar ndihmën e huaj.

Parlamenti libanez ka vendosur se 27 marsi i vitit 2022 do të jetë data kur do të mbahen zgjedhjet.

Gjatë votimit, anëtarët e Parlamentit vendosën kundër gjashtë vendeve shtesë për të përfaqësuar diasporën libaneze.

Zgjedhjet do të mbaheshin në maj, por u zhvendosën për të shmangur fushatën gjatë muajit të shenjtë të Ramazanit, kur myslimanët agjërojnë.

Pasi të mbahen zgjedhjet, kabineti i kryeministrit Najib Mikati do të veprojë si një qeveri e përkohshme ad hoc, derisa një kryeministri të ri t’i jepet votëbesimi në Parlament.

Pasi të ndodhë kjo e fundit, kryeministri i ri do të ngarkohet me formimin e një qeverie të re.

Në tetor, persona të armatosur hapën zjarr në Bejrut gjatë një proteste të organizuar të Hezbollah-ut, duke vrarë të paktën shtatë persona.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.