Një grup feministesh kanë organizuar një protestë në tapetin e kuq të Festivalit të Filmit në Kanë, duke shpalosur një pankartë për të theksuar dhunën ndaj grave.
Grupi me grushta në ajër ndezi flakë tymi ndërsa mbanin banderolën, ku tregoheshin emrat e 129 grave që ato thonë se janë vrarë në Francë që nga festivali i fundit i Kanës.
Protesta erdhi në premierën e filmit iranian “Holy Spider”.
Ajo erdhi dy ditë pas një tjetër proteste në tapetin e kuq kundër dhunës seksuale.
Në premierën e “Three Thousand Years of Longing” të premten, një grua hoqi rrobat e saj për të zbuluar mesazhin “mos na përdhunoni” në trupin e saj të lyer me ngjyrat e flamurit të Ukrainës, dhe bojë të kuqe në të brendshme.
Protesta e së dielës erdhi përpara shfaqjes “Holy Spider”, e cila u përshkrua nga uebfaqja hollivudiane “Deadline” si një thriller feminist për një grua që gjurmon një burrë që vret prostitutat.
Ai bazohet në historinë e vërtetë të Saeed Hanaei, i cili tha se vrau 16 gra në vitin 2000 dhe 2001 “për hir të Zotit dhe për mbrojtjen e fesë sime, sepse ato ishin prostituta dhe po korruptonin njerëzit e tjerë”.
Protestat kanë qenë titujt kryesorë të festivalit. Ngjarja e këtij viti ka parë shfaqje të filmave duke përfshirë vazhdimin e “Top Gun” të Tom Cruise dhe filmin biografik të Elvis Presley të Baz Luhrmann.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kanye West fare pranë hapjes së një studioje pornografike
-
Disa anëtarë të ekuipazhit lëndohen në shesh xhirimet e filmit të Eddie Murphy, “The Pickup”
-
Regjisori palestinez Elia Suleiman do të nderohet nga Festivali i Filmit në Sarajevë
-
Deadpool dhe Wolverine rikthehen në ekran për të “shpëtuar” Marvel
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë Rai-n