Qeveria e Kosovës në mbledhjen e të premtes ka miratuar vendimin për lirimin nga obligimi i pajisjes me leje të punës afatshkurtër, profesionistët shëndetësor të cilët konsiderohen pjesëtarë të diasporës e të cilët me kërkesë të institucioneve angazhohen në Kosovë.
Kryeministri i Kosovës, Albin Kurti u shpreh se profesionistët shëndetësor do të gëzojnë procedura më të lehtësuara dhe sa i përket licencës së punës dhe leje qëndrimit.
“Do të ishte avantazh që të kemi profesionistë nga mërgata për shëndetësi dhe arsim. Pasi janë shqyrtuar mënyrat e lehtësimit në institucione tona në mbledhje kemi për të miratuar dy nisma nga mërgata jonë dhe kohëzgjatja e tyre do të jetë 5 vjeçare”.
“Pas hyrjes së vendimit të Qeverisë për profesionistë huaj do të jetë listë e shkurtër e procedurave. Përgatitja e një profesionit merr shumë vite e mjete financiare. Për profesionistë nga Shqipëria për çështje leje qëndrimi 5 vjeçar licenca do ta ketë kohëzgjatjen e qëndrimit”, deklaroi Kurti.
Ndërsa, ministri i Punëve të Brendshme, Xhelal Sveçla, paraqiti këtë kërkesë para kabinetit qeveritar.
“Ne sot po shënojmë fillimin e epokës së re të profesionistëve nga mërgata. Do të lehtësohen procedura nga mërgata. Është thjeshtësuar procedura për ata që vinë për humanizëm. Kohëzgjatja do të jetë 5 vjeçare dhe hiqet çdo taksë administrative”.
Qeveria e Kosovës ka vendosur edhe për ndarjen e tre milionë eurove për blerjen e barnave deri në fund të vitit, pasi Shërbimit Spitalor Klinik Universitar i kishin mbetur në konto vetëm 150 mijë euro të pashpenzuara për furnizim me barna e materiale shpenzuese deri më 1 janar 2023.
Për ministrin e Shëndetësisë, Rifat Latifi kjo është “epokë e re” në shëndetësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shefi i Hamasit do të vizitojë Turqinë këtë fundjavë
-
MPB: 10 pjesëtarë të Policisë së Kosovës janë ndaluar nga Serbia, 5 ende janë në mbajtje
-
Shqipëria tashmë jashtë listës së vendeve në monitorim nga KiE, pas 29 vitesh
-
“Falja e borxheve në këtë formë është bazë e fortë për skemë mirë të menduar korrupsioni”, thotë Rukiqi pas raportimit të AP-së