Producenti Weinstein, apelon dënimin për krime seksuale

Avokatët e prodhuesit të filmit amerikan Harvey Weinstein kanë filluar një apel kundër dënimit të tij për përdhunim dhe sulm seksual.

Weinstein, 69 vjeç, u dënua në New York City në shkurt  të 2020-ës dhe më vonë u dënua me 23 vjet burg.

Kjo u pa si një moment historik në lëvizjen #MeToo kundër abuzimit seksual dhe ngacmimit të grave.

Weinstein, dikur një nga figurat më të fuqishme të Hollywood-it, ka mohuar vazhdimisht çdo keqbërje.

Ai është zotuar të pastrojë emrin e tij. Paraqitur në Gjykatën e Lartë të Shtetit të New York-ut, apeli i shumëpritur sinjalizon fillimin e asaj që pritet të jetë një përpjekje e gjatë për të prishur dënimin e tij.

Avokatët e tij argumentojnë se gjyqtari bëri disa gabime që i mohuan Weinstein një gjykim të drejtë.

Akuzat ndaj tij

Dhjetëra gra kanë dalë me akuza për sjellje të keqe seksuale, përfshirë përdhunim, kundër Weinstein, një producent fitues i Oskarit.

Akuzat filluan të shfaqen në tetor 201ë, kur gazeta New York Times raportoi për herë të parë incidente që datojnë dekada.

Weinstein përballet me akuza të mëtejshme penale, për përdhunim dhe sulm seksual, në Los Angeles, California, ku do të gjykohet.

Ai aktualisht po mbahet në një burg me siguri maksimale në shtetin New York. Ai bëri një operacion në zemër pas dënimit të tij në shkurt të vitit 2020. Ai doli pozitiv ndaj Covid-19 një muaj më vonë teksa ishte në burg.

Për çfarë u dënua Weinstein?

Weinstein u përball me pesë akuza në gjyqin e New York City por u shpall fajtor vetëm për dy.

E para ishte një akt seksual kriminal i shkallës së parë kundër ndihmëses së produksionit Miriam Haley në 2006. E dyta ishte një përdhunim i shkallës së tretë të aktores aspiruese Jessica Mann në 2013.

Juristët e New York-ut e shpallën të pafajshëm për akuzat më të rënda, për sulme grabitqare seksuale, të cilat mund ta kishin parë atë edhe më të gjatë me burg.

Ai nuk dëshmoi për të mbrojtur veten në gjykatë. Por momente para se të dënohej, ai lexoi një deklaratë në të cilën ai shprehu “pendim të thellë”, por e përshkroi veten si “plotësisht të hutuar” nga lëvizja #MeToo.

Çfarë thotë apeli?

Në një përmbledhje prej 166 faqesh, avokatët e Weinstein ngritin shtatë shembuj të “gabimeve” që, sipas tyre, komprometuan drejtësinë e gjyqit.

Në një argument, avokatët thonë se gjyqi ishte “njollosur nga një anëtar i vetëm i jurisë i cili demonstroi një paragjykim të fortë dhe skualifikues në favor të prokurorisë”. Ai anëtar jurie, thonë ata, ishte duke shkruar një libër autobiografik në lidhje me ngacmimet seksuale të grave të reja nga burrat e moshuar.

Një argument tjetër thotë se dëshmia e grave pretendimet seksuale të të cilave nuk ishin objekt i akuzave penale ndikoi padrejtësisht në juri. Juristët dëgjuan dëshminë nga aktorja Annabella Sciorra, e cila akuzoi Weinstein për përdhunimin e saj në 1993.

Weinstein nuk u akuzua për përdhunimin e Sciorra, por prokurorët përdorën dëshminë e saj për të mbështetur argumentin e tyre se ai ishte një grabitqar seksual.

Një argument i tretë thotë se ekspertëve të mbrojtjes u ndalua në mënyrë të padrejtë të kundërshtonin dëshminë e dëshmitarëve të prokurorisë.

Tani ankesa është paraqitur, prokurorët do të kenë një shans të përgjigjen para se një gjykatës të vlerësojë argumentet dhe të marrë një vendim.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.