Në lagjen Bregu i Diellit të Prishtinës rreth orës 16:30 është plagosur një person si rezultat i të shtënave me armë zjarri.
Për Albanian Post rasti është konfirmuar nga zëdhënësja e policisë, Flora Ahmeti.
”Sot rreth orës 16:30, policia ka marrë informacionin për një plagosje me arme zjarri në lagjen Bregu i diellit në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore”.
“Bazuar në të dhënat fillestare, në këtë rast një person është plagosur, dhe i njëjti është dërguar për tretman mjekësor”, ka thënë ajo.
Ahmeti ka thënë se policia është duke trajtuar edhe më tej rastin.
“Aktualisht hetuesit policor kanë nisur një hetim për sqarimin e të gjitha rrethanave që lidhen me rastin.”, ka thënë ajo për Albanian Post.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
