Presidentja e Kosovës, Vjosa Osmani gjatë vizitës së saj zyrtare në shtetin austriak ka takuar edhe mërgimtarët kosovarë të cilët jetojnë dhe veprojnë në Austri.
Ajo në një takim me diasporën kosovare i ka falënderuar ata për angazhimin e tyre që në çdo hapë janë pranë shtetit të Kosovës.
“Ju faleminderit që jeni çdo herë pranë nesh. Ne do të punojmë shumë që besimin që e keni tek ne ta shndërrojmë në vizion, punë, e angazhim për një të ardhme më të mire”, ka shkruar presidentja Osmani në llogarinë e saj në rrjetin social Facebook.
Ajo po ashtu ka shkruar se vizita në Austri bëhet fuqiplotë sa herë takon diasporën shqiptare.
“Vizita në Austri merr vlerë të shtuar pas takimit me mërgimtarët”.
Gjatë së mërkurës Presidentja Osmani është pritur në takim nga Kancelari austriak, Sebastian Kurz.
Ndër temat e bisedës mes tyre ka qenë edhe çështja e liberalizimit të vizave dhe integrimet euroatlantike të Kosovës.
Ajo ka marrë garanci se shteti austriak do ta përkrah popullin e Kosovës në këto rrugëtime.
Kurz, përmes një postimi në llogarinë e tij në Twitter, ka thënë se dialogu mes Kosovës dhe Serbisë duhet të jetë themel i stabilitetit në rajon.
“Takim i mirë me presidenten e Kosovës, Vjosa Osmani. Austria do të vazhdojë të përkrahë Kosovën dhe të bëj thirrje për integrim në Evropë dhe të gjithë Ballkanin Perëndimor. Dialogu me komunikim të drejtpërdrejtë duhet të jetë themel i stabilitetit në rajon”, shkruan Kurz.
Very good exchange with @VjosaOsmaniPRKS. Austria will continue its support for #Kosovo and call for #EUIntegration of the entire Western Balkans region. Dialogue and direct communication must be the cornerstones for stability in the region. pic.twitter.com/tMydCiFRKj
— Sebastian Kurz (@sebastiankurz) June 23, 2021
Osmani dhe Kurz janë akorduar se raportet bilaterale mes të dyja vendeve duhet thelluar edhe më tej.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ahmeti për VLEN-in: Mendjen e kanë te pushteti, jo te misioni – s’duhet të merremi me ta
-
MPB: 10 pjesëtarë të Policisë së Kosovës janë ndaluar nga Serbia, 5 ende janë në mbajtje
-
“Falja e borxheve në këtë formë është bazë e fortë për skemë mirë të menduar korrupsioni”, thotë Rukiqi pas raportimit të AP-së
-
Mushkolaj për raportimin e AP-së: Bëhet fjalë për zhvatjen e mbi 11 milionë eurove
Lajmet kryesore
-
Ekskluzive: Hajnia multi-milionëshe e Liburn Aliut dhe Naser Hafizit
-
MPB: 10 pjesëtarë të Policisë së Kosovës janë ndaluar nga Serbia, 5 ende janë në mbajtje
-
Izraeli kishte vendosur të godiste Iranin të hënën, por më pas u tërhoq
-
Shqipëria tashmë jashtë listës së vendeve në monitorim nga KiE, pas 29 vitesh