Presidenca e Kosovës për Albanian Post rreth dokumentit për ndryshim të kufijve – kemi biseduar edhe me Brukselin, është i rremë
Zyra për media e Presidentes së Kosovës, Vjosa Osmani, në një përgjigje me shkrim për Albanian Post, ka thënë se lajmi i publikuar për një plan për ndryshimin e kufijve në Ballkan është i rremë.
Këshilltari për media i Osmanit, Bekim Kupina tha se nuk mund t’i komentojnë artikujt e mediave.
Madje sipas tij ekzistenca e një plani të tillë është mohuar edhe nga qeveria sllovene.
“Sido që të jetë, pas komunikimit me ta, përfaqësuesit e shtetit slloven kanë bërë të ditur se artikulli të cilit i referoheni ju është një lajm i rremë, ndaj ekzistenca e tij është mohuar nga autoritetet sllovene”, tha Kupina.
Këtë mendim zyrës se Presidentes ia kanë forcuar edhe bisedat me zyrtarët të Bashkimit Evropian.
“Po ashtu, një gjë të tillë e kemi konfirmuar edhe pas bisedave që kemi pasur me Brukselin”, shtoi ai.
Sipas Kupinës, qëndrimi i Osmanit për këtë çështje është tashmë i njohur për opinion.
“Nuk pranojmë dhe nuk do të jemi pjesë e asnjë lloj dialogu që temë diskutimi e ka territorin e Republikës së Kosovës, që prekë tërësinë territoriale dhe rendin kushtetues të saj”.
Megjithatë, lajmi për dokumentin nuk është i rremë, meqë ai është publikuar në disa media në Slloveni, Bosnje dhe një kopje të dokumentit e ka publikuar edhe Albanian Post.
Autoritet sllovene nuk kanë mohuar as dokumentin si të tillë, por kanë mohuar që ai rrjedh prej tyre.
Teksti i botuar në median sllovene, thotë se dokumentin ia ka dorëzuar kryeministri slloven, Janez Jansha, Presidentit të Këshillit Evropian Charlles Michel.
Dhe këtë informacion brenda lajmit e ka mohuar përmes një cicërime në Twitter kryeministri slloven.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje