Gati 9 mijë e 700 njerëz kanë kaluar kufirin në Republikën e Afrikës Qendrore nga Sudani fqinj, ku luftimet midis ushtrisë dhe formacioneve paraushtarake kanë vazhduar për tre javë, njoftoi Zyra e Kombeve të Bashkuara për Ndihmën Humanitare në Republikën e Afrikës Qendrore.

Midis këtyre njerëzve janë të paktën 3 mijë e 460 të kthyer nga Afrika Qendrore, konfirmuan autoritetet lokale, transmeton Al Jazeera.

Kombet e Bashkuara thonë se zyrtarët e saj kanë vizituar kufirin sudanez me vlerësimin se qasja e refugjatëve duhet të kufizohet sepse zona është e njohur për shi dhe përmbytje.

OKB-ja kujtoi se vetë Republika e Afrikës Qendrore ka nevojë për mbrojtje dhe ndihmë, veçanërisht pjesa veriore, e cila konsiderohet si një nga zonat më të varfra në botë, ku lufta civile vazhdon prej vitesh.

Përleshjet në Sudan shpërthyen më 15 prill midis ushtrisë dhe njësive paraushtarake të udhëhequra nga dy gjeneralë rivalë.

Vendi është zhytur në kaos që nga shpërthimi i një lufte të përgjakshme për pushtet midis shefit të ushtrisë Abdel Fattah al-Burhan dhe rivalit të tij Mohamed Hamdan Dagalo në krye të Forcës së Mbështetjes së Shpejtë paraushtarake.

Pothuajse 10 mijë persona u larguan nga Sudani në Republikën e Afrikës Qendrore