Kompania mediatike “Politico” ka pasur të dielën e 6 nëntorit në theks protestën e serbëve të Kosovës dhe zhvillimet e fundit në Veri.
“Të veshur me kostume mesjetare, një kor këndon himnin kombëtar të Serbisë në një protestë të organizuar në qendrën administrative të veriut me shumicë serbe të Kosovës ndërsa tensionet intensifikohen midis serbëve etnikë dhe shumicës shqiptare në vend”.
Kështu e nis raportimin e saj, selia evropiane e “Politico-s”, duke iu referuar qindra demonstruesve të cilët u mblodhën të dielën në rrugën kryesore në Mitrovicën e Veriut.
Këta, rreth një podiumi të ngritur gjatë së cilës u luajtën këngë nacionaliste serbe dhe u shpallën fjalime.
“Kostumet e veshura nga kori i referohen mbretërisë mesjetare serbe, një kohë në histori kur Serbia kishte kontroll më të madh mbi Kosovën dhe shpesh është një burim simbolizmi për ata që duan të tregojnë besnikërinë e tyre ndaj Beogradit”, shton në përshkrimin e saj Politico.
Shkak për këtë, u bë dorëheqja e parë kolektive të serbëve të Kosovës nga institucionet e vendit që nga viti 2013.
Kohë kur filloi integrimi i ngadalshëm i komunitetit etnik serb si rezultat i dialogut të vazhdueshëm të lehtësuar nga Bashkimi Evropian.
Serbët u tërhoqën nga parlamenti, gjyqësori dhe policia me një goditje të shtunën.
Çështja e targave ka qenë një burim debatesh për më shumë se një vit, me serbët vendas që preferojnë të përdorin targa të lëshuara nga Beogradi që janë të paligjshme në Kosovë.
Një pjesë e vogël e makinave që kishin kaluar në targa të reja janë djegur javët e fundit, një vazhdimësi e ndezjeve të dëshmuara për herë të fundit gjatë verës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nuk do ta sulmojmë NATO-n, por F16-të do të jenë një objektiv, thotë Putini
-
Sulmi në Moskë i pamundur pa ndihmën e shërbimeve sekrete të huaja, thotë Turqia
-
Siri, 38 persona humbën jetën nga sulmi izraelit në Aleppo
-
Cilët janë katalizatorët që do ta ndezin fushatën e partive politike ndërsa nis sezoni zgjedhor në Kosovë?
Lajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë