Policia e Kosovës përkatësisht Njësiti Special, të mërkurën pasdite po zhvillon një aksion në pjesën Veriore të Mitrovicës.
Këtë e ka konfirmuar zëdhënësi i Policisë së Kosovës për Mitrovicën e Veriut, Branislav Radoviç, i cili mes tjerash ka bërë të ditur se bëhet fjalë për një aksion të njësisë kundër narkotikëve e që po asistohet edhe nga policët e stacionit lokal.
“Policia e Kosovës po ofron ndihmë njësitit për narkotikë dhe për momentin nuk kamë informacione më të detajuara”, ka thënë Radoviç, për mediumin serb me seli në Kosovë, Kossev.
Raportohet se matanë rrugës, jo shumë larg lokacionit ku Policia e Kosovës është duke e zhvilluar aksionin në fjalë, ka filluar grumbullimi i qytetarëve.
Policia e Kosovës gjatë dy ditëve të fundit ka kryer disa aksione anti-drogë, të cilat kanë rezultuar me konfiskim të një sasie të madhe të lëndëve narkotike.
Kështu në aksionin që ka ndodhur të mërkurën në pjesën jugore të Mitrovicës dhe Fushë Kosovës janë konfiskuar mbi 56 kilogramë substancë narkotike të tipit marihuanë.
Ndryshe dy ditë më parë, Policia e Kosovës pati arritur të shkatërrojë edhe një laborator të drogës në Komunën e Zveçanit.
Aksioni i Policisë së Kosovës, i cili ishte njoftuar nga ministri i Punëve të Brendshëm, Xhelal Sveçla, kishte rezultuar me sekuestrimin e mbi 2 mijë fijeve kanabisi dhe me arrestimin e tre shtetasve serb të Serbisë dhe një shtetas serb i Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Dy dëshmitarë dëshmojnë javën e ardhshme në Speciale
-
Arrestohet shtetasi në Paris, kërkoi të hedhë veten në erë në konsullatën iraniane
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët
Lajmet kryesore
-
BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët