Po kërkohet nga shumë klube të mëdha si në Itali, ashtu edhe jashtë saj, por sulmuesi i kombëtares së Italisë, Domenico Berardi, ka vendosur t’i qëndrojë besnik skuadrës së tij, Sassuolo-s.
Sipas asaj që raporton “TuttoMercato” italiani do ta rinovojë kontratën me klubin e tij.
Mediumi i lartcekur shkruan se kontrata e re do të jetë për pesë vite, me një pagë prej 3 milionë euro neto në sezon.
TMW – Berardi pronto a diventare una bandiera del Sassuolo: contratto fino al 2027, i dettagli https://t.co/Egq9RFdVyR
— TUTTOmercatoWEB (@TuttoMercatoWeb) August 17, 2022
Vendimi është i prerë dhe pritet që të zyrtarizohet në gjatë kësaj jave.
Kujtojmë që Berardi ka bërë 327 paraqitje në të gjitha garat për Sassuolo-n deri më tani, duke shënuar 121 gola dhe duke dhënë 84 asistime.
28-vjeçari gjithashtu numëron edhe 34 ndeshje me kombëtaren e Italisë, prej të cilave ka shënuar gjashtë gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
