Pesë yjet botërore që po shohin botën në seri të 0 dhe 1

Teknologjia ka përparuar me një ritëm të shpejtë, por kostot që lidhen me zhvillimin e pajisjeve të reja mund të jenë të pa përballueshme. Kur publikohet një pajisje e re, kostoja fillestare mund të ngadalësojë shpërndarjen e tij. Të gjithë e duam teknologjinë tonë të re, por shumë prej nesh nuk kemi gjithmonë mundësi të blejnë veglat më të reja.

Këtu hyjnë personat e famshëm. Ashtu si njerëzit e thjeshtë, shumë të famshëm kanë një dashuri të pavdekshme për teknologjinë e re. Dallimi është, këta persona janë në gjendje të bëjnë një zhurmë të vërtetë në botën e teknologjisë. Shumë “geek” të famshëm kanë bërë investime të rëndësishme në pajisje të reja, duke shtyrë zhvillimin e teknologjisë së re, ndërsa të tjerët madje kanë marrë rol më rëndësishëm në boten e teknologjisë.

Në këtë artikull ne kemi listuar pese yje botërorë që shohin teknologjinë dhe potencialin e tij.

Will.I.Am

Një tjetër fanatik i teknologjisë është këngëtari / reperi i Black Eyed Peas, Will.i.am.

Në vitin 2011, Will.i.am u emërua në pozicionin e drejtorit krijues për gjigantin e çipave gjysmëpërçues Intel. Will.i.am është vërtet krijues kur bëhet fjalë për teknologjinë.  Në vitin 2012, ai publikoi mbështjellës për iPhone, i.am + foto.soho. Ne aktualisht po akoma ballafaqohemi me covid-19, së fundi Will.I.Am publikoi maskat te cilat ne thelb te tyre përmbajnë teknologji.

Shaquille O’neal

Shaquille O’neal, është një nga atletët më të njohur në botë, por ish-ylli i NBA është gjithashtu një i apasionuar i teknologjisë. Një tifoz i fortë i lojrave, Shaq pranoi në një intervistë se ai harxhon një shumë të madhe $ 1,000 në javë për aplikacione të reja!

Në vitin 2013, Shaq mori pjesë për herë të parë në “Tech convention SXSW”. Investimet e tij në teknologji janë shumë të mëdha dhe mbresëlënëse. Ai bleu një pjesë të Google para se kompania të kishte dalë në treg dhe ai ulet në bordin këshillues të Tout, një kompani e mediave sociale.

Justin Timberlake

Justin Timberlake nuk luajti vetëm rolin e biznesmenit të egër të internetit, Sean Parker, ai është vetë një i tillë. Muzikanti i kthyer në aktor duhet ta ketë marrë seriozisht rolin e tij si Parker, pasi që atëherë ai është bërë mjaft i përfshirë në botën e investimeve të teknologjisë.

Ai ka investuar disa nga milionat e tij në disa kompani në internet. Kompanitë si Stipple, e cila lejon fotografët të shesin punën e tyre dhe Miso Media, një grup i përkushtuar për të revolucionarizuar arsimin muzikor, tregojnë se interesat e Timberlake ende mbesin në botën e artit dhe muzikës. Për fat të keq, Miso Media duket se nuk kanë marrë mjaftueshëm nga Timberlake, pasi që kompania u përmbyt.

Ndërmarrja më mbresëlënëse e teknologjisë e Timberlake do të ishte përfshirja e tij me ish-titanin e rrjetit social, Myspace. Kjo platformë u vra në thelb nga konkurrentët e saj, Facebook dhe Twitter. Timberlake dhe partnerët e tij, duke parë një hapje, investuan miliona në Myspace, me shpresën për të ringjallur faqen e internetit dhe për ta kthyer atë në një rrjet social posaçërisht për muzikantët dhe adhuruesit e tyre.

Ashton Kutcher

Kur karriera e Charlie Sheen mori një rënie pas një kolapsi publik në 2011, prodhuesit e sitcomit të njohur “Two and a Half Men” u detyruan ta zëvendësonin atë. Kur kërkonin dikë që të plotësonte rolin bosh producentët shkuan me Ashton Kutcher. Në rolin e ri të Kutcher si Walden Schmidt, ai luan një zhvillues dhe investitor të pasur të teknologjisë. Ajo që shumë nuk e kuptojnë është se roli nuk është larg vet Kutcher, pasi ai luan një rol shumë të ngjashëm në botën reale.

Kur bëhet fjalë për mediat sociale, Kutcher është një mbret. Në vitin 2009, ai u bë përdoruesi i parë i Twitter që arriti në 1 milion ndjekës. Si shumë nga njerëzit e tjerë në këtë listë, Kutcher është shumë i përfshirë në investime teknologjike. Kompania e tij e kapitalit sipërmarrës, A-Grade Investments, ka investuar në kompani të tilla si Skype, Foursquare, Vicarious dhe Secret.

Ashtu si Will.i.am, Kutcher nuk investon vetëm në teknologji, ai është gjithashtu i përfshirë në zhvillimin e saj. Në vitin 2013 Kutcher u emërua si një inxhinier produktesh për prodhuesin më të madh në botë të PC, Lenovo.

Bono

Një tjetër muzikant që ka qenë i njohur për dashurinë e tij ndaj teknologjisë së re është Bono nga U2. Si një adhurues i teknologjisë, Bono bashkë-themeloi Elevation Partners, një agjenci investimesh që ka investuar në Yelp, Facebook dhe Dropbox. Portofoli i tyre i investimeve ka qenë jashtëzakonisht i suksesshëm, duke bërë miliona. Bono ka pasur një marrëdhënie të ngushtë me themeluesit e Dropbox, pasi i kishte takuar kur ishin duke punuar në një aplikacion muzikor për Facebook. Si filantrop, Bono ka folur gjatë se si teknologjia mund të luajë një rol të rëndësishëm në dhënien fund të varfërisë dhe padrejtësive shoqërore.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.