Përplasja në ndeshjen e futbollit, shkon në 180 numri i viktimave

Një ndeshje futbolli, e cilësuar derbi në Ligën e Parë të Indonezisë është kthyer në atë që mund të konsiderohet si tragjedia më e madhe në historinë e këtij sporti.

Skuadra vendase, Arema FC priti në stadiumin “Kanjuruhan” rivalët e Persebaya Surabaya.

Miqtë shënuan të parët, teksa brenda 45 minutëshit të parë vendasit përmbysën rezultatin. Por, miqtë do të shënonin dy herë të tjera në pjesën e dytë dhe rezultati përfundimtar do të ishte 3-2 për Persebaya.

Kjo ishte hera e parë pas 23 vitesh që skuadra e Arema-s mundej në ndeshjen derbi në shtëpi.

Pasi arbitri i ra bilbilit që sinjalizon përfundimin e ndeshjes, rreth tre mijë tifozë, nga 40 mijë të pranishëm, vërshuan në fushë. Ata donin të shkonin te lojtarët dhe zyrtarët.

BREAKING: Over 100 people were killed and 200 injured in a riot at a football stadium in Malang Indonesia, authorities said. #news #BreakingNews #Newsnight #NewsUpdate #NewsBreak #soccer #Indonesia #malang#AremavsPersebaya#arema #Kanjuruhan #bonekjancok #football pic.twitter.com/SXhCPfTId9

— That Guy Shane (@ProfanityNewz) October 1, 2022

Policia tentoi të parandalonte aktet e dhunës, madje duke hedhur dhe gaz lotsjellës për të shpërndarë turmën. Por, tragjedia nuk u arrit të shmangej.

Kjo ngjarje do të ishte pikënisja e një tragjedie të vërtetë nga e cila do të kishte mbi 180 viktima, mes tyre edhe fëmijë.

“Në përleshjet humbën jetën 182 persona, dy prej të cilëve policë. 34 persona vdiqën brenda stadiumit dhe të tjerët vdiqën në spital”, tha shefi i policisë, Nico Afinta.

Sipas bilanceve provizore, të lënduarit janë mbi 200. Ky është një nga aksidentet më të përgjakshme që ka ndodhur ndonjëherë brenda një objekti sportiv.

BREAKING: Over 100 people were killed and 200 injured in a riot at a football stadium in Malang Indonesia, authorities said. #news #BreakingNews #Newsnight #NewsUpdate #fifa #FIFA23  #Indonesia #malang#AremavsPersebaya#arema #Kanjuruhan #bonekjancok #FIFAMobileIndonesia pic.twitter.com/gMGGh5DDOl

— That Guy Shane (@ProfanityNewz) October 2, 2022

Trazirat u shpërngulën dhe jashtë stadiumit, ku sipas raportimeve janë djegur rreth 10 makina policie.

Për shkak të incidentit në stadiumin “Kanjuruhan”, ndeshjet e Liga 1 u shtynë për një javë dhe Arema FC u kërcënua se do të duhej të luante jashtë gjatë gjithë sezonit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.