Shqipëria

Përplasi për vdekje 15-vjeçarin dhe u largua, arrestohet drejtuesi i automjetit


Specialistët e Sektorit të Qarkullimit Rrugor në Fier kanë arrestuar në flagrancë shtetasin E. B., 29 vjeç.

Ky i fundit, përplasi fatalisht një shtetas të mitur 15 vjeç, i cili po udhëtonte me bicikletë.

Drejtuesi i automjetit tip “Audi” ishte larguar menjëherë nga vendngjarja.

Incidenti i rëndë është regjistruar rreth orës 22:00, mbrëmjen e 23 qershorit në aksin rrugor Hamil-Dërmënas.

Shtetasi i mitur ka ndërruar jetë rreth orës 02:00 në spitalin e Fierit.

Materialet i kaluan Prokurorisë, për veprime të mëtejshme procedurale.

Kjo, për veprat penale “Shkelja e rregullave të qarkullimit rrugor” dhe “Largim nga vendi i aksidentit”.

/Albanianpost.com


Lajmet kryesore