Aktorja indiane, Priyanka Chopra i ka dhënë fund dyshimeve për një ndarje të mundshme nga këngëtari i muzikës pop, Nick Jonas dhe siç vihet re, çifti janë bashkë.
Chopra, kishte ndezur thashethemet në publik, pasi në profilet e saj të mediave sociale kishte fshirë mbiemrin “Jonas”, të cilin e ka mbajtur që nga koha kur dyshja kishin celebruar dashurinë e tyre.
Tanimë, në mediat sociale, ajo mund të gjendet vetëm si Priyanka Chopra, por kjo nuk ka të bëjë asgjë me çiftin të cilët muajin që vjen do të festojnë përvjetorin e tretë të martesës së tyre.
Gjithsesi, për t’i hedhur poshtë zërat që qarkullonin poshtë e lartë, duke aluduar për një ndarje të mundshme, Pryanka ka publikuar një video në llogarinë e Instagram-it, brenda të cilës nuk ka hezituar ta quaj Nick-un, “burrë të saj”.
Ylli i Matrix Resurrections po promovonte shfaqjen komike “Netflix Is A Joke”, ku po bënte humor me Nick-un dhe vëllezërit e tij, Joe dhe Kevin. Në një postim për 70 milionë ndjekësit e saj në Instagram, Priyanka ndau një video një minutëshe të saj duke thënë gjëra qesharake në treshen.
“Bëra disa shaka të këndshme për bashkëshortin tim dhe vëllezërit e tij. Përparësitë e të qenit Jonas”, shkruan Priyanka në postim.
Vetëm një ditë më pas, Nick, e ri publikoi videon në llogarinë e Instagramit, duke lënë të kuptohej që nuk kishte ndodhur asgjë mes çiftit.
Madje, ndërsa shfletonte një revistë për jetën e tij, ai ndaloi në një foto të tij dhe Priyanka.
“Foto nga Festivali i Filmit në Kanë me të bukurën Priyanka Chopra Jonas”, shkroi ai, duke vënë theksin te “Jonas”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sean ‘Diddy’ Combs i përgjigjet akuzuesit Rodney Jones duke zbuluar problemet e tij ligjore të së kaluarës
-
Rebel Wilson pretendon se një anëtar i familjes mbretërore fshihet pas organizimit të festave të shfrenuara me orgji dhe drogë
-
Pse (nuk) duhet të legalizohet marihuana në Kosovë?
-
“Stina pa fund” e alergjisë ka ardhur – më shpejt
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund