Ministri i Jashtëm rus, Sergey Lavrov, deklaroi se Perëndimi po “militarizon” Azinë Juglindore në një përpjekje për të frenuar interesat ruse dhe kineze.
Duke folur në një konferencë shtypi në përfundim të samitit të Shoqatës së Kombeve të Azisë Juglindore (ASEAN) në Phnom Penh, Lavrov qortoi Shtetet e Bashkuara për veprimet e tyre në rajon, të cilin Rusia dhe Perëndimi e shohin si një fushë beteje të mundshme strategjike gjeopolitike në dekadat e ardhshme.
“Shtetet e Bashkuara dhe aleatët e saj të NATO-s po përpiqen ta zotërojnë këtë hapësirë”, u tha Lavrov gazetarëve.
Ai theksoi se strategjia e Joe Biden për Indo-Paqësorin ishte një përpjekje për të anashkaluar “strukturat gjithëpërfshirëse” për bashkëpunimin rajonal.
Sipas tij, kjo do të përfshinte “militarizimin e këtij rajoni me një fokus të dukshëm në frenimin e Kinës dhe frenimin e interesave ruse në Azi-Paqësorin”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
