Peja ka triumfuar në derbin e javës së 26-të, duke mundur Trepçën me shifrat 70:73.
Çereku i parë ishte kryesisht i barabartë me vendasit që kishin epërsi të lehtë, ndërsa e fituan këtë pjesë 23:18.
Megjithatë, pejanët kundërpërgjigjen shpejt, ku arritën të shkrijnë epërsinë dhe në pushim shkuan me dy pikë në favor të tyre, 36:38.
Loja e mirë e verdhezinjve vazhdoi në periodën e tretë, ku filluan shkëputjen në “Minatori”, ndërsa shifrat pas 30 minutash ishin 52:63.
Vendasit luftuan deri në fund, por nuk arritën më shumë përveçse të afrojnë shifrat në 70:73, sa ishte rezultati përfundimtar i kësaj sfide.
Te vendasit u dallua Jamel Artis me 19 pikë e nëntë kërcime, kurse te mysafirët u dalluan Brad Waldow me 11 pikë e 20 kërcime dhe Arti Hajdari me 17 pikë.
Trepça numëron 15 fitore e 11 humbje, kurse Peja 19 fitore e shtatë humbje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
E ardhmja e Shqipërisë nuk është te njerëzit e përfshirë në korrupsion, thotë Wisner
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Spiunët e dyshuar rusë të arrestuar në Gjermani – Rast “serioz”, shtohen masat e sigurisë
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it
