Pas sulmit, Rushdie i nënshtrohet operimit

Shkrimtari Salman Rushdie i cili u sulmua gjatë mbrëmjen e ditës së premte me thikë gjatë një leksioni në New York, po i nënshtrohet një operacioni kirurgjik.

Dëshmitarët thanë për prestigjozen “Associated Press” se një burrë nisi të sulmonte skenën në Institutin Chautauqua dhe filloi të godiste me grushte ose me thikë Rushdie teksa ai po prezantohej përpara publikut.

Autori ka shtyrë shkrimtarin 75-vjeçar i cili ka rënë përtokë. Sulmuesi është ndaluar.

I dyshuari për goditjen me thikë të Salman Rushdie është Hadi Matar, 24 vjeç, nga New Jersey. Ai ndodhet, sipas deklaratës së policisë, në paraburgim. Policia nuk ka dhënë akoma asnjë informacion në lidhje me kombësinë e tij, apo nëse ai ka të kaluar kriminale.

Policia njoftoi fillimisht se Rushdie mori një plagë të dukshme me thikë në qafë dhe u transportua me helikopter në një spital.

Libri i Rushdie “Vargjet Satanike” është ndaluar në Iran që nga viti 1988, pasi shumë myslimanë e konsiderojnë atë si blasfemi.

Një vit më vonë, lideri suprem i Iranit, Gran Ajatollah Ruhollah Khomeini, lëshoi ​​një fetva ose dekret, duke bërë thirrje për vdekjen e Rushdie.

Khomeini e dha dënimin më 14 shkurt 1989.

Rasti më pas çoi në prishjen e marrëdhënieve diplomatike midis Mbretërisë së Bashkuar dhe Iranit.

Salman Rushdie për shumë vite ka pasur truprojë, pasi jeta e tij kërcënohej me vdekje.

Në gusht të 1989, një bombë që shpërtheu në një hotel në Londër pranë stacionit Paddington vrau bombarduesin, Mustafa Mahmoud Mazeh.

Më pas në vitin 2005 një reporter nga “Times” zbuloi një gur varri në një varrezë në Teheran që e përkujtonte atë si “dëshmori i parë që vdiq në një mision për të vrarë Salman Rushdie”.

Fetvaja u përsërit nga Ayatollah Ali Khamenei në 2005 (dhe pastaj përsëri në 2017 dhe 2019 përmes llogarisë së tij në Twitter).

Rushdie thotë se çdo vit në ditën e shpalljes së dënimit, më 14 shkurt, ai merr një kartolinë speciale të Shën Valentinit nga Irani, ku i kujtohet se dënimi nuk është zhdukur ende.

Një shpërblim prej mbi 3 milionë dollarësh është ofruar po ashtu për këdo që vret Rushdie.

Kishte kohë që Rushdie kishte kërkuar të mos kishte më truproje. Me sa duket ndihej i qetë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.