Pas gati një gjysmë viti, Kina njofton vdekjen e parë nga COVID-19

Kina njoftoi vdekjen e saj të parë të re nga COVID-19 pas gati një gjysmë viti.

Raste vjen në një kohe kur masa të reja të rrepta janë vendosur në Pekin dhe në të gjithë vendin për të mbrojtur kundër shpërthimeve të reja.

Vdekja e 87-vjeçarit nga Pekini ishte e para e raportuar nga Komisioni Kombëtar i Shëndetësisë që nga 26 maji, duke e çuar numrin total të vdekjeve në 5 mijë e 227.

Vdekja e mëparshme u raportua në Shangai, i cili pësoi një rritje të madhe të rasteve gjatë pranverës.

Ndërsa Kina ka një shkallë të përgjithshme vaksinimi prej më shumë se 92% pasi ka marrë të paktën një dozë, ky numër është dukshëm më i ulët në mesin e të moshuarve – veçanërisht atyre mbi moshën 80 vjeç – ku bie në vetëm 65%.

Komisioni nuk dha detaje për statusin e vaksinimit të të ndjerit.

Kina thotë se qasja e saj e ashpër ka dhënë rezultat në numër shumë më të ulët të rasteve dhe vdekjeve sesa në vendet e tjera.

Shifrat e Kinës janë vënë në pikëpyetje, megjithatë, bazuar në reputacionin e krijuar prej kohësh të Partisë Komuniste në pushtet për manipulimin e statistikave, mungesën e shqyrtimit të jashtëm dhe një kriteri shumë subjektiv për përcaktimin e shkakut të vdekjes.

Ndryshe nga vendet e tjera, vdekjet e pacientëve që shfaqnin simptoma të COVID-19 shpesh i atribuoheshin kushteve themelore të tilla si diabeti ose sëmundjet e zemrës, duke errësuar numrin real të vdekjeve nga virusi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.