Platforma Twitter është duke bërë ndryshime në ridizajnimin e ri, pasi përdoruesit janë ankuar për dhimbje koke dhe shqetësime.
Agjencia e lajmeve, “BBC”, tregon se ridizajnimi i ri i zbuluar javën e kaluar, kryesisht përfshin ngjyra me kontrast të lartë dhe një lloj shkrimi të krijuar me porosi të quajtur Chirp.
Atë kohë, platforma ka thënë se “mund të duket i çuditshëm në fillim”, por ai do të përmirësonte konsumin e përmbajtjes dhe do të sistemonte “rrëmujën vizuale”.
Por shumë përdorues mbetën konfuzë, pasi e kishin të vështirë të lexonin dhe ndjeheshin në parehati nga ndriçimi i tepërt.
“Është më e vogël dhe më e dendur tani, çka do të thotë se duhet të tendos sytë më shumë për të lexuar”, ka shkruar një përdorues.
Kurse një tjetër ka thënë se “është thjesht e pamundur të lexosh nëse dikush ka një dëmtim të shikimit”.
We're making contrast changes on all buttons to make them easier on the eyes because you told us the new look is uncomfortable for people with sensory sensitivities. We're listening and iterating.
— Twitter Accessibility (@TwitterA11y) August 13, 2021
Pak ditë më vonë, një tweet i platformës njoftoi se “ne po bëjmë ndryshime kontrasti në të gjitha opsionet për t’i bërë ato më të lehta për sytë sepse na thatë se pamja e re është e pakëndshme për njerëzit me ndjeshmëri shqisore”.
Të nesërmen, kompania deklaroi se “ne kemi identifikuar probleme me llojin e shkrimit, Chirp, për përdoruesit e Windows-it dhe po punojmë në mënyrë aktive për ta rregulluar”.
Përveç këtyre, shumë përdorues janë ankuar edhe për llojin e ri të shkrimit në telefonat celularë.
Twitter-i, duke iu përgjigjur përdoruesve të shqetësuar, ka premtuar ndryshime në të ardhmen dhe ka siguruar se po merrte parasysh “reagimet e të gjithëve për llojin e shkrimit”.
Në janar, me shpalljen e llojit të ri të shkrimit, kreu i markës në Twitter Derrit DeRouen, ka thënë se ai ishte projektuar nga shkritorja e tipit zviceran Grilli, “për të përmirësuar mënyrën se si ne përcjellim emocione dhe papërsosmëri” dhe se hkronja standarde e përdorur gjerësisht, Helvetica, nuk ishte “e përshtatshme për këtë”.
I want to give a bit more depth to Chirp, our new typeface.
Type, in 280 character doses, is the foundation of Twitter. In the history of the company we’ve either relied on someone else’s typeface, from SF Pro and Roboto, to Helvetica Neue in our brand. pic.twitter.com/OrvlYsxF9g
— Derrit DeRouen (@DerritDeRouen) January 27, 2021
Tanimë, përdorues të shumtë janë duke i kërkuar Twitter-it të përdorë Helvetica-n ose çfarëdo lloj shkrimi të paracaktuar në sistemin e përdoruesit.
Në përgjithësi, kompanitë e mediave sociale përballen shpesh me reagime të ashpra ndaj ndryshimeve.
Fillimisht, përdoruesit e Twitter-it kanë kundërshtuar një ridizajnim të vitit 2014 dhe më pas u ankuan për zëvendësimin e tij në 2017-n.
Me një reagim të ngjashëm është përballur edhe Snapchat-i në vitin 2018.
Përdoruesit e Facebook-ut poashtu kanë reaguar ashpër ndaj ndryshimeve përgjatë viteve si në dizajnin e tij ashtu edhe në algoritmet që fuqizojnë lajmet dhe diktojnë se çfarë të shohin përdoruesit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Nis takimi Bislimi – Petkoviç në Bruksel për dinarin
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
SPAK nuk fillon procedim për Bardhin, pas kërkesës nga Olsi Rama