Temperaturat ranë në gjithë Brazilin dhe reshje të pazakonta dëbore u panë në disa zona, ku nuk kishte pasur të tilla prej 62 vjetësh.
Makina, rrugët dhe autostradat u zbardhën nga shtresa e akullt. Njerëzit gjenin rastin të luanin dhe bënin fotografi me fenomenin e pazakontë natyror për Brazilin.
“Jam 62 vjeç dhe nuk kam parë kurrë borë deri tani”, tha për një televizion lokal brazilian një banor i Cambara do Sul. “Të shohësh këtë bukuri natyrore, është diçka e papërshkrueshme”.
Më shumë se 40 qytete në rajonin e Rio Grande do Sul gjendeshin në kushte të akullta. Në të paktën 33 bashki, u regjistruan reshje dëbore.
Kjo nuk mbeti as pa pasoja. Për shkak të kushteve atmosferike, çmimet e kafesë dhe sheqerit, u rritën menjëherë ndërkombëtarisht. Brazili është një ndër eksportuesit më të mëdhenj të kafesë dhe sheqerit në botë.
Përtej kësaj, dita më e ftohtë e vitit duket se është lënë pas, me kushtet që pritet të përmirësohen në ditët në vijim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë