Partia ultra-nacionaliste serbe kërkon “mbledhje urgjente” të KS të OKB-së, pas takimit Kurti-Vuçiç
Partia e të djathtës ekstreme me elemente ultra-nacionaliste në Serbi, “Zavetnici”, u ka bërë thirrje krerëve të shtetit serb që të kërkojnë nga Këshilli i Sigurimit të Kombeve të Bashkuara “mbledhje urgjente” lidhur me situatën aktuale në Kosovë.
Përmes një deklarate me rastin e takimit të Kryeministrit të Kosovës, Albin Kurti dhe Presidentit të Serbisë, Aleksandër Vuçiç, të enjten e 18 gushtit në Bruksel, kjo parti ka vlerësuar se qëndrimet e popullit serb në Kosovë nuk mund të mbrohen në kuadër të dialogut të ndërmjetësuar nga Bashkimi Evropian.
“Nuk është reale të pritet që qëndrimet e shtetit të Serbisë dhe të popullit serb në Kosovë do të dëgjohen dhe do të mbrohen në mënyrë adekuate në kuadër të dialogut nën mandatin e BE-së”.
Për këtë parti, karta e OKB-së nuk e ka autorizuar BE-në, ShBA-në dhe NATO-n që të kujdesen për paqen dhe sigurinë ndërkombëtare.
“Nëse përfaqësuesit e krerëve shtetërorë tashmë pretendojnë se e drejta ndërkombëtare publike është diçka mbi të cilën ata i bazojnë qëndrimet e tyre në këto negociata, atëherë është e nevojshme që ata t’i përmbahen kësaj të drejte në mënyrë konsistente, esenciale dhe parimore”, thuhet në njoftim, transmeton mediumi serb “Danas”.
Kjo parti ka kërkuar edhe mbajtjen e seancës së posaçme të Kuvendit të Serbisë për situatën në Kosovë.
Partia ultra-nacionaliste serbe kërkon seancë të jashtëzakonshme para takimit Kurti-Vuçiç
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parashikimi i motit, 29 mars 2024
-
Gjykata Ndërkombëtare e Drejtësisë ultimatum Izraelit: Lejo hyrjen e ndihmave humanitare në Gaza
-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë