Parlamenti Evropian dënon linjën e Meloni-t për ndalimin e regjistrimit të fëmijëve të çifteve homoseksualë

Parlamenti Evropian i ka dënuar udhëzimet e dhëna nga qeveria italiane bashkisë së Milanos për të mos regjistruar më fëmijët e çifteve homoseksualë.

Kjo pasi ato përfshijnë diskriminim jo vetëm të çifteve homoseksuale, por edhe fëmijët e tyre.

Kërkesa është e qartë: qeveria duhet “të revokojë menjëherë vendimin e saj”.

Teksti i përfshirë në Raportin vjetor për Sundimin e Ligjit është jashtëzakonisht i ashpër. Gjithashtu për shkak se Parlamenti “shpreh shqetësimin për faktin se ky vendim është pjesë e një sulmi më të gjerë kundër komunitetit Lgbtqi+ në Itali”.

Edhe nëse rezoluta nuk është ligjërisht e detyrueshme, vlera politike e aktit është jashtëzakonisht e fortë sepse përfaqëson një shqetësim për qeverinë e Giorgia Meloni-t dhe për shumicën që e mbështet atë.

Eurodeputetët dhanë miratimin me një ngritje duarsh, e cila pa formimin e një mazhorance mjaftueshëm të madhe për të miratuar amendamentin e paraqitur nga grupi liberal i Evropës.

Grupet e ulura në qendrën e majtë të Dhomës morën anë në favor të tekstit: liberalët, socialistë-demokratët, të gjelbrit dhe të majtët.

Por pa mbështetjen e një patrulle të madhe të PPE-së, nuk do të ishte e mundur të arrihej shumica e madhe që lejoi miratimin.

Duke iu kthyer shpinën aleatëve të Forza Italia ishin disa deputetë të njohur nga Evropa Veriore, por edhe portugezët.

Ndërsa në vend të kësaj, delegacioni gjerman i Cdu-së, i cili është edhe më i shumti, i ka lënë të lirë të votojnë ndjekësit e tij meqenëse ishte votim me ngritjen e dorës, votat e individëve nuk u regjistruan.

“Ne jemi në vitin 2023 dhe as që duhet të diskutojmë për këto çështje”, ka thënë liberalja holandeze Sophia in ‘t Veld, nënshkruese e amendamentit që goditi qeverinë italiane.

“Ne duam të mbrojmë fëmijët, të cilët në vend të kësaj janë privuar barbarisht nga të drejtat e tyre vetëm sepse ka nga ata që duan të luftojnë një orientim të caktuar seksual. Por ka vendime të gjykatave që e kanë sanksionuar këtë parim”, ka shtuar ajo.

Kryetari i bashkisë së Milanos, Giuseppe Sala, i cili ishte në Parlamentin Evropian për të sjellë këtë çështje në vëmendjen e BE-së, u shpreh i kënaqur.

“Unë dhe shumë kryetarë të tjerë nuk dorëzohemi para arrogancës së atyre që mohojnë edhe një takim për një çështje delikate që po trajtojmë në qytetet tona”, ka thënë.

Marrë nga “La Stampa”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.