Boronicat renditen në listën e super frutave. Kjo parfe e lehtë ju sjell kombinimin e tyre në një shtresë pane, me shumë pak yndyrë dhe spërkatur me grimca kanelle. Kontrasti i shijeve krijon një kombinim fantastik dhe të freskët.
Kjo recetë sugjerohet nga shefi i kuzhinës Renato Mekolli.
Përbërësit: 150 gr sheqer, 100 gr arra, 100 gr reçel me boronica të kuqe (ose edhe reçel me fruta pylli / qershie), 100 ml pana pastiçerie, 4 vezë, pak kanellë.
Përgatitja:
I rrahim në një enë të bardhat e vezëve dhe pastaj shtojmë gjysmën e sasisë së sheqerit, duke i përzier lehtë.
Rrahim panën e pastiçerisë në mikser (ose në rast mungese mjafton t’i rrahim fort me rrahësen e vezëve) derisa të bëhet kremoze.
Shtojmë të verdhat e vezëve me pjesën e mbetur të sheqerit, dhe i rrahim mirë derisa të përfitohet një masë e njëtrajtshme.
Në të njëjtën enë ku kemi masën e përfituar shtojmë reçelin me boronicat e kuqe, të bardhat e rrahura të vezëve dhe arrat. Me shumë kujdes mundohemi ta përziejmë gjithë masën, derisa të përftojmë kremin e lidhur mirë me të gjithë përbërësit.
Masën e përftuar e vendosim në një formë drejtkëndore të gjatë dhe e fusim në ngrirje, ku e lëmë të paktën për 6 orë.
E nxjerrim nga ngrirja dhe parfeja do të jetë gati për t’u shërbyer sipas dëshirës dhe fantazisë suaj, duke përdorur reçelin apo boronicat e kuqe për dekor. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani me fitore bindëse ndaj Taravarit: Diferenca mbi 35 mijë vota
-
Rama sqaron për ‘La Stampa’ emisionin e Rai-t, goditjen për Melonin dhe përfshirjen e të vëllait në dokumentar
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Politico: Rreziku që vjen me zgjedhjen e Belerit si kandidat për zgjedhjet Evropiane