Papa Françesku e ka dënuar dhunën në familje kundër grave si “thuajse djallëzore”.
Këtë, kreu i Kishës Katolike e ka thënë gjatë një programi të transmetuar në rrjetin “TG5” të Italisë të dielën e 19 dhjetorit.
Agjencia e lajmeve “BBC” tregon se atje, Papa foli me një panel prej katër personash, duke përfshirë një të mbijetuar nga abuzimi në familje.
Shqetësimi i tij ishte për numrin “shumë, shumë të lartë” të grave, “të cilat janë rrahur dhe dhunuar në shtëpitë e tyre”.
“Është thuajse djallëzore, sepse po përfitohet nga një person që nuk mund të mbrohet, i cili vetëm mund të përpiqet të ndalojë goditjet”, ka thënë Papa Françesku.
“Është poshtëruese. Shumë poshtëruese”, ka vijuar ai.
Teksa po diskutonte me një nga gratë të quajtur Giovanna, e cila ishte arratisur nga një shtëpi e dhunshme me katër fëmijët e saj, Papa ka theksuar se gratë e abuzuara nuk e kishin humbur dinjitetin e tyre.
“Shoh dinjitet te ju, sepse nëse nuk do të kishit dinjitet, nuk do të ishit këtu. Shihni Nënën e Bekuar dhe qëndroni me atë imazh të guximit”, i ka thënë ai Giovanna-s.
Që nga fillimi i pandemisë së coronavirus-it, Papa Françesku ka bërë një sërë komentesh për abuzimin në familje.
Kjo pasi incidentet e abuzimit janë rritur në shumë vende, për shkak se shumë njerëzve u duhej të qëndronin gjithë kohës në shtëpi me abuzuesit e tyre.
Referuar një raporti të OKB-së, që mbulonte 13 vende, gjysma e grave të anketuara kanë pranuar se kishin përjetuar një formë dhune që nga fillimi i pandemisë.
Në Itali, shifrat e policisë të publikuara muajin e kaluar kanë raportuar rreth 90 episode të dhunës ndaj grave çdo ditë dhe 62 për qind e tyre ishin raste të abuzimit në familje.
Duke iu drejtuar Giovanna-s, Papa Françesku ka treguar se është e mundur të ketë ende shpresë edhe gjatë pandemisë.
“Ju po jepni një shembull të rezistencës, një leksion të rezistencës ndaj fatkeqësive”, ka përmbyllur ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lufta kundër Kosovës – mision vetëvrasës për Serbinë, thotë analisti serb
-
Pavarësisht ofensivës shkatërruese të Izraelit, Hamasi ende reziston
-
Dodik: “ShBA, Britania e Madhe dhe Gjermania janë ndërmarrje e përbashkët kriminale, po bëjnë luftë hibride kundër Vuçiç-it”
-
Qeveria emëron Gentian Gjylin në krye të ARRSH pas arrestimit të Berberit
Lajmet kryesore
-
Rama: Projektligji për Dhomën Ekonomike Kombëtare i vonuar, do të regjistrohen të gjitha bizneset
-
Komiteti i Përbashkët i Mbikëqyrjes Shqipëri-MB, Balla: Janë deportuar mbi 2 mijë shtetas shqiptarë
-
Përgjigja e Aleancës në frontin Lindor, njësi ultra-reaktive dhe 60 mijë burra të tjerë
-
PDK-ja voton kryesinë e re, Bedri Hamza emërohet nënkryetar