Manny Pacquiao ka vendosur për ndeshjen e tij të parë në dy vitet e fundit, ku ai do të përballet me kampionin e WBC dhe IBF në kategorinë deri në 65 kg, me Errol Spence Jr në gusht.
42-vjeçari nuk është ndeshur që kur ai mundi Keith Thurman për titullin e WBA në korrik të 2019.
Ai njoftoi në Twitter se do të takonte 31-vjeçarin Spence Jr në Las Vegas më 21 gusht në atë që do të ishte lufta e tij e 72-të profesionale.
Pacquiao, është senator në Filipine, dhe ka një rekord prej 62 fitoreve e 7 humbjeve në boks.
Ai po synon të fitojë një titull botëror pasi pretendoi për herë të parë rripin e WBC në vitin 1998. Ai ka tituj botëror në tetë pesha të ndryshme në karrierën e tij 26-vjeçare.
Spence Jr, i cili ka një rekord prej 27 fitoresh e 0 humbjesh, fitoi ndaj Danny Garcia në dhjetor në ndeshjen e tij të parë që nga një përplasje e rëndë me makinë në vitin 2019, që e la atë në kujdesin intensiv.
Duke konfirmuar ndeshjen në Instagram, Spence Jr shkroi: “Marrëveshja përfundoi! Shihemi në Las Vegas për luftën më të madhe të vitit.”
— Manny Pacquiao (@MannyPacquiao) May 21, 2021
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
PE-ja miraton liberalizimin e vizave për poseduesit e pasaportave ilegale serbe
-
DASH zbardh raportin e plotë për Shqipërinë – S’ka progres domethënës, probleme serioze me pavarësinë e gjyqësorit
-
SPAK u komunikon akuzat ish-zyrtarëve të arrestuar të Bashkisë Tiranë
-
Liburn Aliu deklarohet për aferën me ambalazhues: Nuk lidhet emri im askund, për çfarë borxhi e kanë fjalën