Presidentja e Kosovës, Vjosa Osmani, të enjten e 21 prillit është takuar me përfaqësuesit e shoqërisë civile, me të cilët ka diskutuar për procesin e përzgjedhjes së kryeprokurorit të shtetit.
Gjatë takimit, ajo ka thënë se çdo rekomandim i identifikuar përgjatë procesit do të shqyrtohet me kujdes të shtuar.
“Është thelbësore që çdo emërim të jetë rezultat i një procesi transparent dhe të drejtë, dhe çdo kandidat të ketë integritet të dëshmuar përgjatë karrierës. Këto janë parime themelore të cilat i kam ndjekur në çdo emërim që kam bërë”, ka thënë Osmani.
Gjithashtu, e para e shtetit ka thënë se do të vazhdojë konsultimet me akterët e tjerë të përfshirë në këtë proces.
Në një përgjigje me shkrim për Albanian Post, drejtoresha ekzekutive e Lëvizjes FOL, Mexhide Demolli-Nimani, ka thënë se në këtë takim i kanë ofruar Osmanit raportin e monitorimit të procesit të përzgjedhjes së kryeprokurorit të shtetit.
“Në takim me presidenten Osmani i ofruam raportin tonë të monitorimit dhe vlerësimit të procesit të përzgjedhjes së kryeprokurorit të shtetit, raport ky i publikuar më 24 mars. Ky takim ishte në kuadër të asaj që presidentja tha se është duke i kontaktuar të gjitha palët që kanë monitoruar këtë proces para vendimit për dekretim ose jo të kandidatit për kryeprokuror”, tha Demolli – Nimani për AP.
Më 6 prill, Këshilli Prokurorial i Kosovës, ka votuar unanimisht Blerim Isufajn për Kryeprokuror të ri të Shtetit.
Komisioni për Rishqyrtim i KPK më 1 prill 2022 kishte shqyrtuar kundërshtimet e katër kandidatëve për pozitën e Kryeprokurorit të Shtetit, Armend Hamiti, Lulzim Sylejmani, Shqipdon Fazliu dhe Kujtim Munishi.
Të premten e 18 marsit, zyrtarisht kishte nisur intervisitimi i kandidatëve për Kryeprokuror të Shtetit.
Pesë prokurorë, kishin aplikuar për pozitën e të parit të Prokurorisë së Shtetit, për të zëvendësuar Aleksandër Lumezin, të cilit i skadon mandati në prill.
Kandidatët e tjerë të cilët kishin aplikuar për pozitën e Kryeprokurorit të Shtetit janë: Armend Hamiti, Kujtim Munishi, Lulzim Sulejmani dhe Shqipdon Fazliu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë