Osmani pas takimit me Metën: Kosova e Shqipëria të përçojnë mesazhin që Ballkani rrezikohet nga Serbia
Presidentja e Kosovës, Vjosa Osmani, gjatë takimit me homologun e saj nga Shqipëria, Ilir Meta, ka thënë se është kundër çfarëdo iniciative e cila përpiqet ta trajtojë në mënyrë jo të barabartë Kosovën, duke iu referuar iniciativës rajonale “Open Balkan”.
“Kosova nuk mund të bëhet pjesë e iniciativave apo mekanizmave rajonalë, poqëse përfaqësimi në këto iniciativa që nga zanafilla nuk është gjithëpërfshirës dhe mbi parimin e barazisë”, tha Osmani.
Ajo ka theksuar se kanë dëshmuar gatishmëri për vazhdimin e dialogut me Serbinë.
“Kosova nuk do të jetë pjesë e asnjë aranzhmani i cili nuk e garanton sovranitetin, integritetin dhe funksionalitetin e shtetit”.
E para e vendit potencoi se së bashku me Shqipërinë duhet të angazhohen për ta përçuar mesazhin në rajon dhe në botë për rrezikun që i kanoset Ballkanit nga politika agresive dhe hegjemoniste e Serbisë.
Edhe kryetari i Kuvendit të Kosovës, Glauk Konjufca, pas takimit me Metën ka përsëritur qëndrimin se Kosova është e hapur për bashkëpunim rajonal, por vetëm mbi bazën e barazisë, reciprocitetit dhe përfshirjes së BE-së.
“Për Republikën e Kosovës janë të papranueshme iniciativat e Serbisë, sikur i ashtuquajturi “Ballkani i Hapur”, që synojnë të anashkalojnë Procesin e Berlinit për Ballkanin Perëndimor dhe BE-në. E ardhmja e shtetit tonë dhe e rajonit është në Bashkimin Evropian dhe në NATO”, theksoi Konjufca.
Kreu i Kuvendit ka falënderuar presidentin Meta për kontributin e madh të shtetit shqiptar për lirinë dhe pavarësinë e Kosovës, si dhe përkrahjen e vazhdueshme në proceset e saj të shtetndërtimit.
Ndryshe, Meta ka takuar edhe krerët e partive politike në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë