Osmani: Maqedonia e Veriut është e gatshme të ndihmojë në dialogun ndërmjet Kosovës dhe Serbisë
Ministri i Punëve të Jashtme të Maqedonisë së Veriut, Bujar Osmani, tha se delegacioni i vendit të tij në Shtetet e Bashkuara të Amerikës ka biseduar me përfaqësuesit special të SHBA-së dhe BE-së për dialogun ndërmjet Kosovës dhe Serbisë – Gabriel Escobar dhe Miroslav Lajçak për sfidat rajonale lidhur me zhvillimet e reja, raporton N1.
“Pra, takimet me me Escobarin që është i dërguari special i SHBA-së dhe me të dërguarin e BE-së, Lajçak, ishin shumë të rëndësishme për të zbuluar detajet dhe sigurisht për të kontribuar në stabilitetin rajonal në procesin e tejkalimit të mosmarrëveshjeve në rajon”, theksoi ai.
Osmani vlerësoi se “referendumet në territoret e okupuara të Ukrainës janë precedent që kërcënon të gjitha shtetet e pavarura, veçanërisht shtetet e vogla” dhe theksoi se Shkupi nuk do t’i njohë rezultatet e tyre.
“Tani po e shpreh qëndrimin e qartë të Republikës së Maqedonisë së Veriut se këto janë referendume manipuluese, të cilat synojnë të krijojnë një alibi të rreme për aneksimin e territoreve të pushtuara të vendeve fqinje dhe ne nuk do t’i njohim referendumet e tilla dhe as rezultatet e referendume të tilla”, shtoi Osmani.
Kreu i MPJ-së theksoi se ajo që ka bërë Rusia në Ukrainë është shkelje e drejtpërdrejtë e së drejtës ndërkombëtare dhe prandaj habitet kur në sondazhe shikon se 24 për qind e qytetarëve maqedonas mendojnë se agresioni rus në Ukrainë është i justifikuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë
-
Lavrov: Armenia shkakton kolapsin e marrëdhënieve me Moskën
-
Olsi Rama hedh poshtë akuzat e Bardhit për lidhjet me drogën: Vijnë nga një i paburrë
-
Rusia pëson sërish disfatë në OKB, dështon seanca për Kosovën
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Rusia pëson sërish disfatë në OKB, dështon seanca për Kosovën