Organizata bamirëse britanike Oxfam thotë se ka pezulluar dy anëtarë të stafit në Republikën Demokratike të Kongos për akuzat e shfrytëzimit seksual dhe ngacmimit.
Ata shprehen se pezullimet ishin pjesë e një “hetimi të jashtëm” të ngritur nëntorin e kaluar mbi akuza të tilla.
Deklaratat e tyre pasohen në një raport në gazetën Times se sinjalizuesit ishin “të zhgënjyer në kohën e marrë për të përfunduar hetimin”.
Oxfam u godit nga një skandal në vitin 2018 ku përfshiheshin punëtorët e saj të ndihmës në Haiti.
Organizata u akuzua për fshehjen e përdorimit të prostitutave nga disa anëtarë të stafit që ishin në vend, pas tërmetit të ndodhur në vitit 2010.
Oxfam e mohoi një fakt të tillë, por kërkoi falje për gabimet në trajtimin e skandalit. Ata ngritën një komision të pavarur në praktikat e punës dhe ndaloi ofertat për financimin e qeverisë së Mbretërisë së Bashkuar.
Si u zhvillua skandali Oxfam në Haiti?
Organizata vetëm kohët e fundit ishte lejuar të niste përsëri të aplikojë për fonde qeveritare, raporton Times.
Gazeta thotë se një letër me 10 faqe e nënshkruar nga më shumë se 20 punonjës të tanishëm dhe ish-Oxfam u dërgua në udhëheqjen e organizatës në shkurt të 2020-ës.
Aty ngihen akuza kundër 11 personave që përfshinin shfrytëzimin seksual, ngacmimin, mashtrimin dhe nepotizmin. Thuhet se sinjalizuesit ishin përballur me “kërcënime për jetën e tyre”.
Disa nga ankesat datuan që nga viti 2015 dhe në letër thuhej që stafi kishte “humbur besimin në premtimet e Oxfam për përgjegjësi dhe në parimet që Oxfam thotë se qëndron”.
Në deklaratën e tij, Oxfam thotë se Komisioni i Bamirësisë u njoftua në fillim të hetimit të akuzave të fundit dhe po mbahet i informuar për përparimin e tij.
“Ne jemi shumë të vetëdijshëm për detyrën tonë ndaj të mbijetuarve, përfshirë edhe mbështetjen e tyre për të folur në mënyrë të sigurt,” thanë ata. “Ne jemi duke punuar shumë për të përfunduar hetimin në mënyrë të drejtë, të sigurt dhe efektive”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com