Ministri i Diasporës, Pandeli Majko, ishte i ftuar ditën e hënë në emisionin, Open, në Top Channel. Diskutimi u fokusua te procesi, rëndësia dhe nevoja e votimit nga emigrantët e diasporës.
Ministri i bëri thirrje Komisionit Qëndror të Zgjedhjeve ( KQZ) ta zbatojë ligjin pa vonesë dhe kërkoi që të mos vonohet duke pritur konsensusin nga opozita.
Majko vuri theksin se ka informuar rregullisht KQZ-në. “KQZ-ja duhet të zbatojë ligjin. Emigrantët kanë të drejtën të votojnë”, theksoi ai.
Ministri i Diasporës mori shembull Kosovën dhe sqaroi se atje po votohet me postë. E njëjta gjë mund të ndodhë edhe në Shqipëri. Ekziton mundësia që të votohet edhe online, shtoi ai.
Për të evituar akuzat e vjedhjeve të votave me postë, Majko u shpreh se procesi i postës do të kryhej nga kompani ndërkombëtare.
Majko tha se nuk e kuptonte përse Partia Demokratike(PD) ishte kundër votave të emigrantëve. Ai tha se këta të fundit vijnë nga një nivel kulturor dhe ekonomik tjetër. “Nuk kanë asnjë presion për të votuar Ramën”, shtoi ministri.
Gjithashtu sqaroi se emigrantët do të kenë përfaqësues gjatë numërimit të votave. Kjo, për të rritur sa më shumë transparencën me publikun.
Shqiptarët të cilën kanë dorëzuar pasaportat e tyre dhe janë mbajtës të një pasaporte tjetër, nuk kanë të drejtë të votojnë. Por, shtoi ai, nëse personi posedon dy pasaporta, mjafton që njëra të jetë shqiptare dhe mund të votojë.
Mandati i tretë
Ministri i Diasporës, foli edhe për mandatin e tretë të Partisë Socialiste (PS).
Ai tha se opozita po ndjek një strategji të gabuar.
Ata duan “o të gjithën, o asgjë”, tha Majko.
“PD-ja humbur një betejë të madhe, që është menagjimi i humbjes”.
Majko tha se PS dëshiron te hyjë në histori duke marrë mandatin e tretë.
“Në mandatin e tretë, ne do të rishohim veten. Nganjëherë të shikosh veten në pasqyrë është më e vështirë se të krijosh një gjë të re”.
Ish kryeministri, tregoi se edhe ku do të kandidonte. “Unë do të jem kandiat në njësinë nr.5. Ne jemi të privilegjuar që jemi në listat e PS-së”, tha Majko.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Siguria Publike, Balla firmos në Abu Dhabi marrëveshjen për zhvillimin e projektit SMART CITY
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Dialogu politik dhe çështjet rajonale në fokus të takimit Hasani-Milanoviç
-
Hasani me homologun kroat: Dialog intensiv politik mes dy qeverive, mirënjohës për mbështetjen
Lajmet kryesore
-
Dialogu politik dhe çështjet rajonale në fokus të takimit Hasani-Milanoviç
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Ku mund ta zhvendosë Hamasi degën e tij politike?
-
Shpërblehet përsëri “Apetit SH.P.K”, Komuna e Podujevës i jep tenderë për furnizim me mëshqerra