OnlyFans bllokon përmbajtjet seksuale nga 1 tetori

OnlyFans, faqja londineze e abonimit, e njohur për përmbajtjen e saj për të rritur, ka njoftuar se nga 1 tetori do të bllokojë fotot dhe videot eksplicite seksuale.

Agjencia e lajmeve, “BBC”, tregon se përdoruesit do të jenë akoma në gjendje të postojnë përmbajtje nudo në faqe, por kjo do të duhet të jetë në përputhje me politikat e OnlyFans-it.

Ky njoftim vjen pasi “BBC” i ishte drejtuar kompanisë për një përgjigje ndaj dokumenteve të rrjedhura në lidhje me llogaritë që postonin përmbajtje të paligjshme.

Ndërkohë, OnlyFans ka thënë se ndryshimi kishte ardhur pas presionit nga partnerët bankar.

Gjatë pandemisë, faqja është rritur goxha dhe ka deklaruar se ka 130 milionë përdorues.

“Për të siguruar qëndrueshmërinë afatgjatë të platformës sonë dhe për të vazhduar të presim një komunitet gjithëpërfshirës të krijuesve dhe fansave, ne duhet të evoluojmë udhëzimet tona të përmbajtjes”, ka thënë OnlyFans në një deklaratë.

Lidhur me faqen, ajo u mundëson krijuesve të saj të postojnë video dhe fotografi nudo dhe të ngarkojnë abonentët për këshilla me një tarifë mujore.

Ata mund të postojnë një sërë përmbajtjesh nga gatimi deri tek videot stërvitore, megjithatë rrjeti është më i njohur për pornografinë.

Dhe në këmbim të mbajtjes së materialit, OnlyFans merr një pjesë prej 20 për qind të të gjitha pagesave.

“BBC” shkruan se dokumentet, të përshkruara si “manuale pajtueshmërie”, tregojnë se edhe pse përmbajtja e paligjshme është hequr, OnlyFans lejon moderatorët t’u japin krijuesve paralajmërime të shumta para mbylljes së llogarive.

Specialistët e moderimit dhe ekspertët e mbrojtjes së fëmijëve kanë thënë se kjo tregon se OnlyFans ka njëfarë “tolerance” për llogaritë që postojnë përmbajtje të paligjshme.

Në përgjigje të hetimit të BBC-së, OnlyFans ka treguar se dokumentet nuk janë manuale ose “udhëzime zyrtare” dhe se sistemet e tij dhe verifikimi i moshës shkojnë përtej “të gjitha standardeve dhe rregulloreve globale të sigurisë”.

E themeluar në vitin 2016 nga biznesmeni i Essex, Tim Stokely, faqja ka qenë nën kritikat e së kaluarës pasi një hetim i “BBC” zbuloi se të rinjtë nën 18 vjeç kishin përdorur identifikim të rremë për të krijuar llogari në këtë faqe interneti.

Në qershor, “BBC” zbuloi se të rinjtë nën 18 vjeç shisnin video eksplicite në faqe, pavarësisht se ishte e paligjshme që njerëzit të ndanin imazhe të pahijshme të fëmijëve.

Pas këtij hetimi, komisioneri i fëmijëve për Anglinë është shprehur se OnlyFans duhej të bënte më shumë për të ndaluar përdoruesit e mitur. Në përgjigje të hetimit, faqja ka thënë se kishte mbyllur llogaritë e shënuara dhe kishte rimbursuar të gjitha abonimet aktive.

Kurse në korrik, raporti i parë mujor i transparencës i kompanisë ka nxjerrë se çaktivizoi 15 llogari OnlyFans pasi gjeti imazhe të pahijshme të fëmijëve në ato llogari.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.