Gjyqtari i cili bëri bujë në javën e fundit të futbollit italian, Marco Serra, duke bërë një gabim trashanik në ndeshjen Milan – Spezia, i ka shpëtuar pezullimit.
Mirëpo, pavarësisht që nuk u pezullua, ndeshja e radhës që ai do të jetë prezent, nuk është në nivele të larta sikurse ajo në të cilin Serra gaboi.
Bëhet fjalë për takimin e kategorisë së dytë të futbollit italian, Serie B, ku Serra do të jetë gjyqtar i VAR-it në ndeshjen mes Brescia-s dhe Ternana-s.
Pra, Shoqata e Gjyqtarëve në Itali nuk ka marrë ndëshkimin më të rëndë për arbitrin 39 vjeçar, por ai njëherësh do të ketë detyra me më pak përgjegjësi.
Ndryshe Serra është një gjyqtar i ri në Serie A, i cili në javën e fundit bëri një gabim, duke anuluar golin e Junior Messias ndaj Spezias, pasi refuzoi t’i jap avantazh kuqezinjve, pas ndërhyrjes ndaj Ante Rebic-it.
Por, duhet theksuar se vetëm pak sekonda më pas, Serra e kuptoi gabimin që bëri duke iu kërkuar falje futbollistëve të Milan-it.
Ai madje shpërtheu në lot pas ndeshjes, për golin që iu mohoi tre pikët e radhës ekipit të Milan-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hapat – në detaje – drejt anëtarësimit të Kosovës në Këshillin e Evropës
-
700 fashikuj për koncesionin e sterilizimit, Beqaj ‘ngujohet’ 7 orë në SPAK: Lexova 15, dua të pyetem sërish
-
Fjalët e paqarta të Putin për F-16: Do të jenë një objektiv legjitim kudo që të jenë
-
Sejko: Shqipëria me ecurinë më të mirë të kreditimit në rajon